Smiley face
Smiley face
Smiley face

نەجیبە عومەر: ڤیان جاف پێشەنگی تێکۆشان و ژنی ئازادە لە باشوری کوردستان

2018-01-31 11:32:20



ڕۆژنیوز - سەمیرا شەهابی

 

بە نزیکبوونەوەی ساڵیادی چالاکییەکەی ڤیان جاف، نەجیبە عومەر دەڵێت: دەبێت ژنانی باشور بە ئیرادەوە خاوەنداریەتی لە چالاکییەکەی هەڤاڵ ڤیان بکەن، چالاکی هەڤاڵ ڤیان بۆ خوڵقاندنی ژیانە، ئاماژەش بۆئەوە دەکات:"هەڤاڵ ڤیان پێشەنگی تێکۆشان و ژنی ئازادە".

 

لەیلا والی حوسێن ناسراو بە "ڤیان جاف" ١٢ ساڵ بەر لە ئێستا و لە ١/٢ی مانگی شوباتی ٢٠٠٦ لە ناوچەی حەفتانین بە دروشمی"سەر لە نوێ واتادان بە گوتەکانمان" چالاکیەکی گیانبازی ئەنجامدا، نەجیبە عومەر چاودێری سیاسیش باس لە ڕۆڵ و خەباتی ئەو ژنە تێکۆشەرە بۆ ڕۆژنیوز دەکات.

 

نەجیبە عومەر، وتی:"هەڤاڵ ڤیان، لە کۆمەڵگایەکدا کە عەقڵیەتی نامووسپەرستی و ڕەگەز گەرایی ژن وابەستە دەکات، دژی وەستا و هەموو ئەو کۆت و بەند و یاسا کلاسیکیانەی ڕەتکردەوە، لە تەمەنێکی بچووکدا هەست بە ئێش و ئازارەکانی کرد و بەرپەرچی زۆر شتی دایەوە، ئەو جگە لە زیرەک بوونی له خوێندنگە و ناو ماڵبات و کۆمەڵگا، خاوەن کەسایەتییەکی تایبەت بووە".

 

 

وتیشی:"بە بەشداربوونی شۆڕشێکی پێک هێنا، زۆرترین خزمەتی کرد بە تێکۆشانی ئازادی ژن، چونکە هەمیشە لەوباوەڕەدابوو کە باشووری کوردستان پێویستی بە تێکۆشانی ئازادییە تا دیموکراتیزەبوون و سیستمی ڕێبەر ئاپۆ وەک پارادایمایەک پێش بکەوێت، لەسەر دەستی هەڤاڵ ڤیان زۆرترین ژن بەشداری ناو پەکەکە بوو، ئەو خەباتەش کە لێرە بەڕێوە دەچێت لە سەر دەستی ئەو بوو، بۆیە هەڤاڵ ڤیان پێشەنگی تێکۆشان و ژنی ئازادە لە باشووری کوردستان".

 

ئاماژەی بەوەشدا:"لە بەرامبەر زهنیییەتی پیاوسالارییدا تێکۆشانێکی بەو ڕەنگەی کرد تا سزای ئەهریمەنە زلهێزەکان بداتەوە، بۆیە هەڤاڵ بە چالاکییەکەیەکی گیانبازی بۆ ڕێبەر ئاپۆ کرد، بە هۆکاری ئەوەی کە بە هیچ شێوەیەک گەلەکۆمەکەی نێو دەوڵەتی قبوڵ نەکرد وبوو بە وەڵامێک بە ڕووی هەموو داگیرکەراند و بە چالاکییەکەشی شۆڕشێکی ویژدانی و زهنی بۆ تواندنەوەی ویژدانە سەهۆڵبەندانە نووستووەکان ئەنجامدا".

 

نەجیبە عومەر لە کۆتایشدا ئاماژەی بە خاوەندارییەتی کردنی ژنان لە ڤیان جاف و چالاکییەکەی کرد و ڕایگەیاند:"ژنانی باشوور دەبێت بە ئیرادەوە خاوەندارییەتی لە چالاکیەکەی بکەن، چونکە چالاکی هەڤاڵ ڤیان بۆ خوڵقاندنی ژیانە، دژ بە هەموو ئەو توندوتیژیانەی کە لە سەر ژنان بەڕێوە دەچێت، بوو بە دەنگێک لە بەرامبەر هەموو بێدەنگییەکانی ناو کۆمەڵگا".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin