Smiley face
Smiley face
Smiley face

مامۆستایەکی ئاینی: ئەوەی بەرامبەر عەفرین دەکرێت دژی ئاینی ئیسلامە

2018-01-31 13:03:25



ڕۆژنیوز - قەرەچوغ ئەنوەر

 

مامۆستایەکی ئاینی دەڵێت کارەساتی عەفرین ناشەرعی و نامرۆڤانەیە، کوشتنی منداڵ و گەنج و پیر و پەککەوتە و خەڵکی مەدەنی بە ناھەق تاوانێکی گەورەیە لەڕووی یاسایی نێودەوڵەتی و ئاینی ئیسلامیشەوە، بۆیە خودای گەورە عەفرین خۆڕاگر و سەرکەوتوو دەکات.

 

د.مەغدید کەریم، وتارخوێن و پێشنوێژی مزگەوتی حاجی بەکر زێڕنگر لەشاری ھەولێر، ھاوکات مامۆستای کۆلێژی یاسای زانکۆی سەڵاحەددینیشە، لە لێدوانێکی تایبەتدا بۆ ڕۆژنیوز تیشکی خستەسەر داگیرکارییەکانی سوپای تورک بۆ سەر عەفرین.

 

د. مەغدید ڕایگەیاند: ئەو کارەساتەی بەسەر کوردانی رۆژئاوا بەتایبەت بەسەر عەفرین دێت، ناشەرعی و نامرۆڤانەیە، بۆیە ئیدانەی ئەو کارە ناڕەوایە دەکەم، ئەوەی بەرامبەر عەفرین دەکرێت بڕیارێکی تاکڕەوانەی ئەردۆگانە، چونکە ھەموو تورکێک ئەم رەفتارەی پێخۆش نییە.

 

وتیشی: کوشتنی منداڵ و گەنج و پیر و پەککەوتە و خەڵکی مەدەنی بەناھەق، تاوانێکی گەورەیە لەڕووی یاسای نێودەوڵەتی و ئاینی ئیسلامیشەوە، بۆیە ھیوادارین ئەم کارە قێزەوەن و ناڕەوایە کۆتایی پێ بێت.

 

ئەوەش وت کە ئەو وەکو مامۆستایەکی زانکۆ و ئاینی، پشتگیری لەعەفرین دەکات و ئومێدەوارە خوای گەورە خۆڕاگر و سەرکەوتوویان بکات، چونکە ڕەفتارەکانی تورک دژی ئاین و مرۆڤایەتیە.

 

هەروەها باسی لەوەش کرد: بێدەنگی دەسەڵاتی باشور کارێکی نابەجێیە، پێویستە ھەموو کورد لەپرسە نەتەوەییەکان یەک دەنگ بن، ھەر چەندە پەرلەمانی ھەرێمی کوردستان گوزارشت لە دەنگ و رەنگی ھەموو کوردانی باشور ناکات، بەڵام دەبێ ئیدانەی لەشکرکێشی تورکیا بکەن و حکومەتی ھەرێمیش بێدەنگی بشکێنێ.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin