Smiley face
Smiley face
Smiley face

هاوڵاتییەكی تەمەن ٩٠ ساڵ لە شارەزوور خۆی خنكاند

2018-02-04 19:49:57



ڕۆژنیوز- هاوكار مستەفا

 

هاوڵاتییەكی تەمەن ٩٠ ساڵی دانیشتووی شارۆچكەی شارەزوور خۆی خنكاند.

 

ئەمڕۆ، تەرمی هاوڵاتییەك كە خۆی خنكاندبوو گەیەندراوەتە نەخۆشخانەی گشتی شەهید ڕەوف بەگ لە شارۆچكەی شارەزوور-ی سەر بە پارێزگای سلێمانی.

 

ڕێبین حەسەن، لێپرسراوی بەشی كارگێڕی لە نەخۆشخانەی گشتی شەهید ڕەوف بەگ لە شارۆچكەی شارەزوور، بە ڕۆژنیوزی وت: تەرمی هاوڵاتییەك بەناوی (أ. گ) تەمەن ٩٠ ساڵ گەیەندرایە بەشی فریاكەوتنی نەخۆشخانەكەمان، پاش پشكنین و ڕاپۆرتی پزیشكیی، دەركەوت كە خۆی خنكاندووە.

 

 

بەوتەی ڕێبین حەسەن:"ئەو هاوڵاتییە توشی نەخۆشی ئەلزەهایەمەر بووە، كە توشبووانی ئەو نەخۆشییە دووچاری لەبیرچوونەوە دەبن، بۆیە بەوتەی كەسوكارەكەی ئەم هاوڵاتییە پێشتریش چەند جارێك ڕۆیشتووەتە دەرەوە و دواتر ماڵی خۆیانی لێتێكچووە و نەیزانیوە بگەڕێتەوە تا دواجار خۆی خنكاندووە.

 

بەپێی ئامارێك، كە ڕۆژنیوز لای خۆی كۆیكردووەتەوە، لە سەرەتای ئەمساڵەوە بەم حاڵەتەوە ٣٦ حاڵەتی كوشتن و خۆكوشتن لە باشوری كوردستان ڕوویانداوە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin