Smiley face
Smiley face
Smiley face

پۆلیس گیانلەدەستدانی نەوجەوانێکی بەهۆی هەوڵی خۆخنکاندنەوە ڕاگەیاند

2018-02-05 08:51:50



ڕۆژنیوز – ناوەندی هەواڵەکان

 

پۆلیسی ڕاپەڕین، ڕایدەگەیەنێت، کە بەهۆی هەوڵی خۆخنکاندن، کچێکی نەوجەوان گیانی لەدەستدا.

 

بەپێی ڕاگەیەندراوێکی بەڕێوبەرایەتیی پۆلیسی ڕاپەڕین، کە شەوی ڕابردوو بڵاویکردووەتەوە، ئێورەی دوێنێ کاتژمێر ٤:٠٠ ی ئێوارە کچێکی برینداریان گەیاندووەتە نەخۆشخانەی گشتی ڕانیە، کە "بە پەت خۆی هەڵواسیبوو" لە ماڵەکەی خۆیاندا، پاشان بەڕێکرا بۆ نەخۆشخانەی هەولێر و لە نەخۆشخانە بەهۆی سەختی برینەکەی گیانی لەدەستدا .

 

لە ڕاگەیەندراوەکەدا هاتووە، کە کچە خنکاوەکە تەمەنی ١٧ ساڵ و ناوی (أ. ب. خ) ە، دانیشتووی گەڕەکی شیشار-ی شارەدێی حاجیاوا بووە.

 

پۆلیسی ڕاپەڕین، ڕاشیگەیاندووە:"دۆسیەی لێکۆڵینەوە بۆ ڕووداوەکە کراوەتەوە و تاکو ئێستا کەس دەستگیر نەکراوە، تەرمەکەی خنکاوەکەش ڕادەستی کەسوکاری کراوەتەوە".

 

جێگای ئاماژەیە، بەپێی ئامارێک کە ڕۆژنیوز لای خۆی تۆماریکردووە،  لە سەرەتای ئەمساڵەوە ئەمە ٣٨ هەمین حاڵەتی کوشتن و خۆکوشتنە، کە لە باشوری کوردستان تۆمار دەکرێت، تەنیا دوێنێ دوو حاڵەتی خنکانی ژن هەبووە، کە بە وتەی پۆلیس "خۆیان خۆیان خنکاندووە".

 

ئەوەی جێگای سەرنجە، بۆ زۆربەی ڕووداوەکانی کوشتنی ژنان پۆلیس بەر لەوەی لێکۆڵینەوە لە ڕووداوەکە تەواو بکات، هەر لە سەرەتای ڕووداوەکەوە بە پشتبەستن بە وتەی کەسوکاری ژنەکە، دەڵێت:"خۆی کوشتووە یان خۆی خنکاندووە".

 

لە ماوەی رابردوودا لە شارۆچکەی ڕانیە ژنێک بە سی فیشەک کوژرا و بە پشتبەستن بە وتەی هاوسەری ژنەکە، پۆلیسی ڕاپەڕین ڕایگەیاند، کە خۆی خۆی کوشتووە، بەڵام دوای لێکۆڵینەوەی پۆلیس دەرکەوت، کە لەلایەن هاوسەرەکەیەوە کوژراوە و بکوژەکە دانی بە تاوانەکەیدا نا.

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin