Smiley face
Smiley face
Smiley face

چالاکییەکان بۆ عەفرین بەبێ وەستان بەردەوامن

2018-02-06 09:52:47



ڕۆژنیوز - ناوەندی هەواڵەکان

 

هاوڵاتیانی کورد و دۆستانیان لە ئەوروپا بەبێ وەستان بەردەوامن لە چالاکییەکانیان بۆ پشتگیرییکردنی عەفرین.

 

شەوی ڕابردووش وەک شەوانی پێشتر دەیان چالاکیی و خۆپیشاندان لە وڵاتانی ئەوروپا بەڕێوەچوو و چالاکوانانی کورد و دۆستانیان ڕژانە سەر شەقامەکان بۆ شەرمەزارکردنی تاوانەکانی سوپای تورک لە دژی هاوڵاتیانی عەفرین..

 

لە شارەکانی ئۆبێرهاوسن، برێمێن، فرایبورگ، لایپزیگ، ئوگسبورگ و بەرلینی پایتەختی ئەڵمانیا چەندین خۆپیشاندان ئەنجامدرا، خۆپیشاندەران بە هەڵگرتنی ئاڵای یەپەگە و یەپەژە و هەروەها وتنەوەی دروشم لە دژی ئەردۆغان و سوپای تورک و خوێندنەوەی ڕاگەیەندراو و ڕاگەیاندنی بەردەوامبوون لە چالاکییەکانیاندا پشتگیریی عەفرینیان کرد.

 

لەلایەکی دیکەوە لە پاریسی پایتەختی فەرەنسا و ئەسینای پایتەختی یۆنان دوو چالاکی دیکە ئەنجامدران و هاوڵاتیانی کورد لە شاری کۆلدینی دانیمارکیش خۆپیشاندانیان ئەنجامدا.

 

جێگای ئاماژەیە، کە ئەمڕۆ ١٨یەمین ڕۆژی بەرخۆدانی سەردەمە لە عەفرین لە دژی داگیرکارییەکانی سوپایت تورک دا.

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin