Smiley face
Smiley face
Smiley face

لە باشوری ئاسیاوە نامەیەک لەبارەی عەفرینەوە ئاڕاستەی نەتەوەیەکگرتووەکان دەکرێت

2018-02-10 10:02:47



ڕۆژنیوز - ناوەندی هەواڵەکان

 

ڕێکخراوەکانی کۆمەڵگای مەدەنی وڵاتانی ئاسیای باشور نامەیەکی کراوەیان بۆ سکرتێری گشتیی نەتەوە یەکگرتووەکان نارد و داوای هەڵوێستی ڕوون و ئاشکرای نەتەوە یەکگرتووەکانیان کرد.

 

سەدان ڕێکخراوی کۆمەڵگای مەدەنی لە ئەفغانستان، هیندستان و پاکستان و بەنگلادش لە دژی داگیرکاریی سوپای تورک لە عەفریندا نامەیەکیان ئاڕاستەی ئانتۆنیۆ گۆتێرێش، سکرتێری گشیی نەتەوە یەکگرتووەکان کرد.

 

ئەو رێکخروانە ڕایانگەیاندووە، کە پێویستە نەتەوە یەکگرتووەکان هەڵوێستی ڕوون و ئاشکرای هەبێت لە بارەی عەفرینەوە، پێویستە بەرپرسیارانی کۆمەڵکوژکردنی هاوڵاتیانی مەدەنی لە عەفرین لێکۆڵینەوەیان لەگەڵ بکرێت و هێرش بۆ سەر عەفرین ڕابگیردرێت، هەروەها کانتۆنی عەفرین وەک ناوچەیەکی خۆبەڕێوبەریی دیموکرات لە باکوری سوریا بە ڕەوا بزانرێت.

 

ئەو نامەیە هاوکات بۆ سەرۆکی ئەمریکا، سەرۆک کۆماری ڕوسیا، ڕاوێژکاری ئەڵمانیا، سەرۆکی چین و یەکێتی ئەوروپا و سەرۆک کۆماری فەرەنسا نێردراوە.

 

 

ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin