Smiley face
Smiley face
Smiley face

ڕێپێوانی لۆزان بۆ جنێف دەستیپێکرد

2018-02-12 15:33:31



ڕۆژنیوز - ناوەندی هەواڵەکان

 

ڕێپێوانی درێژمەودای لۆزان بۆ جنێف کە لەلایەن ٢٠٠ چالاکوانی ئینەرناشناڵ لە ٣٧ وڵاتی جیهانەوە ئەنجام دەدرێت، بە بەشداربوونی زیاتر لە هەزار کەسی دیکە دەستیپێکرد.

 

پاش نیوەڕۆی ئەمڕۆ بە ئەنجامدانی کۆنگرەیەکی رۆژنامەنووسی لە شاری لۆزانی وڵاتی سویسرا ڕێپێوانی درێژمەودا بە دروشمی "نەتەوە یەکگرتووەکان ڕێ لە کۆمەڵکوژیی عەفرین بگرە" دەستیپێکرد.

 

ڕێپێوانی ٢٠٠ چالاکوانی ئینتەرناشناڵ، کە لە ٣٧ وڵاتی بیانییەوە بۆ ئازادیی ئۆجالان و ڕاگرتنی هێرشەکانی سەر عەفرین لە ڕۆژی ٨/ئەم مانگە لە لوکسۆمبۆرگەوە دەستپێکردووە، شەوی ڕابردوو گەیشتنە لۆزان و ئەمڕۆش زیاتر لە هەزار کەسی دیکە لەگەڵیان بەشداری ڕێپێوان بوو.

 

لەناو ئەو ٢٠٠ چالاکوانەدا، سیاسەتمەدار، هونەرمەند، وەرزشکار و نوێنەری ڕێکخراوەکانی کۆمەڵگای مەدەنی هەیە.

 

لە کۆنگرەی ڕۆژنامەنووسی دەستپێکردنی ڕێپوانەکەدا بانگەوازیی نەتەوە یەکگرتووەکان کرا، کە ڕێگریی بکات لە ڕوودانی کۆمەڵکوژیی هاوڵاتیان لە عەفرین.

 

ڕێپێوانەکە لە کاتی ئامادەکردنی ئەم هەواڵەدا بەرەو جنێف بەردەوامە و ا بڕیارە لە بەردەم ناوەندی نەتەوە یەکگرتووەکان لە جنێف گردبوونەوەیەکی جەماوەریی ئەنجام بدرێت.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin