Smiley face
Smiley face
Smiley face

سی ئێن ئێن: سیستمی ڕۆژئاوا ڕێگا دەکاتەوە بۆ پێکهاتنی جیهانێکی نوێ

2018-02-13 09:29:36



ڕۆژنیوز - ناوەندی هەواڵەکان

 

ڕاحیلە گوپتا لە سی ئێن ئێن-ی مەریکیدا وتارێکی نووسی لە بارەی هەوڵی دامەزراندنی دیموکراسی لە ڕۆژئاوای کوردستان و هەڵوێستەکانی ئەمریکائی لە ئاست هێرشی تورکیا بۆ سەر عەفریندا نرخاند.

 

لە سی ئێن ئێن ئینتەرناشناڵ وتارێک بە ناوی "پێشکەوتووترین دیموکراسیی جیهان دادەمەزرێت و ڕێگانادرێت لە ناوبچێت" لە نووسینی ڕاحیلە گوپتا بڵاوکرایەوە.

 

لە وتارەکەیدا ڕاحیلە گوپتا، نووسیویەتی: ئەمریکا هێرشی حکومەتی تورک بۆ سەر عەفرین شەرمەزار ناکات و بەها دەدات بە بەهانەی تورکیا بۆ پاراستنی ئاسایشی سنوورەکانی، ئەوە لە کاتێکدایە، کە ڕاپۆرتەکان باس لە بۆردومانکردنی هاوڵاتیان لەلایەن حکومەتی تورکەوە دەکەن.

 

لە بەردەوامیدا نووسیویەتی: لە رۆژئاوا کە عەفرینیش دەکەوێتە ناوییەوە، دیموکراسییەک ئەزمون دەکرێت کە لە وڵاتانی ڕۆژئاوایی هەبوونی نییە، ئەو دیموکراسییە لە سەر بنەمای یەکسانی ژن و پیاوە، عەرەبەکان کە بۆ ماوەیەکی درێژ ستەمیان لە گەلی کورد کردووە، ئێستا لەو سیستمەدا جێیان گرتووە بەبێ ئەوەی فشارێک خرابێتە سەریان.

 

هەروەها ئاماژەی دا: فیدراسیۆنی دیموکراتی باکوری سوریا پەناگەیەک بووە بۆ هەزاران ئاوارەی شەڕ، ئەوەش لە سیستمێکدا پێکهاتووە، کە لە سەر بنەمای هزری عەبدوڵا ئۆجالان، رێبەری پەکەکە دامەزراوە.

 

لە کۆتاییشدا ئەو نووسەرە دەڵێت: سیستمی دیموکراتی لە ڕۆژئاوا و باکوری سوریا دەتوانێت ڕێگا بکاتەوە بۆ پێکهاتنی جیهانێکی نوێ، بۆ ئەوەی ئەو شۆڕشە بەردەوامی هەبێت، دەبێت ئەوەی دەتوانین ئەنجامی بدەین و هەوڵ بدەین فرۆشتنی چەک بۆ تورکیا بوەستێندرێت.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin