Smiley face
Smiley face
Smiley face

سلێمانی، گروپێک لە کچانی یاریزانی کاراتی بەشداریی لە پاڵەوانێتی ئێراندا دەکەن

2018-02-13 09:55:56



ڕۆژنیوز - سەمیرا شەهابی

 

گروپێک لە کچانی یارزانی کاراتی یانەی وەرزشی پێشمەرگە لەگەڵ ٢٠ وڵاتدا بەشداریی لە پاڵەوانێتی ئێراندا دەکەن.

 

گروپی کاراتی کچانی یانەی وەرزشی پێشمەرگە لە شاری سلێمانی، لەلایەن یەکێتی کاراتی ئێرانەوە بانگهێشتی پاڵەوانێتی ڕۆژی ١/ئازاری ئەمساڵ لە کەرەج و تاران کراون، کە ٢٠ وڵات تیایدا بەشداریی دەکات و یانەی پێشمەرگەش بانگهێشتەکان قبوڵکردووە و بە ١٢ یاریزان بەشداریی دەکەن.

 

 

ئاڤێستا سالار، یەکێک لەو یاریزانانەیە و تەمەنی ١٦ ساڵە، ماوه‌ی دوو ساڵه‌ یاریزانی  کاراتییە و ئێستا له‌ قۆناغی پێشکەوتووەکانە.

 

ئاڤێستا و خێزەنەکەی گوێ بە توانجەکانی کۆمەڵگا نادەن و وەک خۆی وتی:"کۆمەڵگا دەڵێت وەرزش بۆ کچان نییە، به‌ڵام خێزانه‌که‌م زۆر پشتگیرییم ده‌که‌ن و منیش بەرەدوام دەبم، ئه‌م وه‌رزشه‌ له‌ ڕووی ڕۆحی و جه‌سته‌ییه‌وه‌ بۆ ئێمە زۆر پێویسته‌".

 

 

ڕۆزا یونس، ته‌مه‌ن ١٩ساڵ و یه‌کێکی ترە له‌و یاریزانانەی کە بەشداریی پاڵەوانێتییەکە دەکات و لە ماوەی ئەو شەش ساڵەی، کە دەستی بە کاراتی کردووە، بەشداریی چەند پاڵەوانێتییەکی لە عێراق و هەرێمی کوردستان کردووە.

 

ڕۆزا، دڵخۆشە بە وەرزشەکەی و وتی:"سودیکی زۆرم بینیوه‌، ترسم له‌هیچ شتێک نییه‌ ‌و هه‌ست به‌ بوونی خۆم ده‌که‌م، کە لە ڕووی بەرگرییەوە بەهێزم، داواکارم له‌ دایک و باوکان که‌ ڕێگریی له‌به‌رده‌م کچه‌کانیاندا دروست نه‌که‌ن".

 

 

هەروەها، ئه‌رسه‌لان مورادی، ڕاهێنه‌ری کاراتی گروپی کچان ڕایگەیاند:"ژمارەی یاریزانەکانمان ٢٤ کچ دەبێت، لە بچوک تا گەورە و ١٢ کچ بە تایبەتی بۆ بەشدارییکردن لە پاڵەوانییەتییەکاندا ڕاهێنراون".

 

 

یانەی پێشمەرگە لە ساڵی ١٩٩٩ لە شاری سلێمانی دامەزراوە و جەندین وەرزشی وەک تۆپی پێ، بالە و باسکە و چەند وەرزشیکی دیکە لەخۆدەگرێت و چەندین یاریزانی گەورەی پێگەیاندووە و خاوەنی چەندین مەدالیایە لە پاڵەوانێتی وڵاتانی جیهاندا و زۆربەی یاریزانەکانی لە ئێستادا لە ریزەکانی هەڵبژاردەی عێراق یاری دەکەن.

 

کاراتی، یارییەکی ڕۆژهەڵاتییە، کە لە ئاسیا و یابان سەریهەڵداوە کاتێک کە لە شەڕی یاباندا لەلایەن ساموڕبیەکانەوە شەڕی چەک قەدەغەکرا خەڵک بۆ ئەوەی بەرگریی لە خۆی بکات ڕوویان کردە هونەری شەڕ، یەکێک لەوانەش یاری کاراتییە.

 

ئێستا ئەم یاریە لەژێر چەتری WKF) word karaty fidration)  لە یەکێتی جیهانیدا کۆبووتەوە، کە ١٨٠ وڵات تیایدا ئەندامن، وە لە زۆربەی وڵاتاندا ئەم یارییە ئەنجام دەدرێت و هەرێمی کوردستانیش بێ بەش نییە لە ئەنجامدانی.

 

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin