Smiley face
Smiley face
Smiley face

جێگری سەرۆکی ڕێکخرای پێنی نێودەوڵەتی بۆ عەفرین نامەیەکی بڵاوکردەوە

2018-02-13 10:13:00



ڕۆژنیوز - ناوەندی هەواڵەکان

 

لوسیانا کاسمەن، جێگری سەرۆکی ڕێکخراوی پێنی نێودەوڵەتی لە بارەی هێرشی حکومەتی تورک بۆ سەر عەفرین نامەیەکی بڵاوکردەوە و ئەو هێرشەی شەرمەزارکرد.

 

پشتیوانییە ناوخۆی و نێودەولەتییەکان بۆ بەرخۆدانی عەفرین بەردەوامە، لەوچوارچێوەیەدا دوێنێ جێگری سەرۆکی ڕێکخراوی پێنی نێودەوڵەتی، کە ڕێکخراوێکی نێودەوڵەتیی نووسەرانە، نامەیەکی بڵاوکردەوە.

 

لوسیانا کاسمەن ڕایگەیاند: عەفرین لە خاکی تورکیادا نییە، بەڵکو لە سوریایە، واتە وڵاتێک کە هیچ هێرشێک لەوێوە نەکراوەتە سەر تورکیا، ئەوە زۆر سەیرە کە تورکیا سنوورەکانی وڵاتێکی دیکە دەبەزێنێت و هێرش دەکاتە سەر شارێکی، سوپای تورک بۆ هێرشەکەی ئەوەی کردووەتە بەهانە، کە لەوێ ئەو هێزانەی تورکیا بە تیرۆریستیان دەزانێت پەنادەدرێن.

 

 

لە بەشێکی دیکەی نامەکەشی دا دەنووسێت: تورکیا هەست بە مەترسی دەکات ئەگەر کورد بتوانێت خۆی بەرێوەببات، کە ئیستا لە عەفرین خۆیان بەڕێوەدەبەن، تەنانەت ئەگەر لە شوێنێکی دەرەوەی سنوورەکانیشی بن، تورکیا ئەوەی پێ قبوڵ ناکرێت، هەرێمی خۆبەڕێوبەر لە عێراقیش دڕکێکی دیکە بوو لە چاوی تورکیا دا، بەڵام ئەوان لەلایەن کۆمەڵگای نێودەوڵەتییەوە پشتگیری دەکرێن، ئەوە لە کاتێکدایە کە عەفرین زۆر هەرستیارە و بەردەستە بۆ ئەوەی زیانی بەرکەوێت.

 

لە کۆتاییشدا نووسیویەتی: ئەو هەڵوێستەی تورکیا نە هەڵوێستێکی ئایدیۆلۆژییە و نە ستراتژییەکی سەربازییە بۆ سوپای تورکیا، بەڵکو تەنیا توندوتیژی حکومەتی تورکە لە دژی گەلی کورد، ئێمە بەتەواوەتی دژی ئەو هێرشانەین و هەوڵدەدەین لەگەڵ کەسانی دیکە لەو بارەیەوە قسە بکەین و پێیان ڕابگەیەنین.

 

ڕێکخراوی پێنی نێودەوڵەتی، ڕێکخرازوێکی جیهانی نووسەرانە، ئەو ڕێکخراوە لە ساڵی ١٩٢١دا لە لەندەنی پایتەختی بەریتانیان دامەزراوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin