Smiley face
Smiley face
Smiley face

هەپەگە لە سێ شوێن گورزی لە سوپای تورک دا

2018-02-13 13:58:52



رۆژنیوز - ناوەندی هەواڵەکان

 

ناوەندی ڕاگەیاندنی هەپەگە سەبارەت بە چالاکیی گەریلاکانی ڕاگەیەندراوێکی بڵاوکردەوە و ئاشکرایکرد، کە لە سێ شوێنی جیاواز گورزمان لە سوپای تورک داوە.

 

ئەمڕۆ ناوەندی ڕاگەیاندنی هێزەکانی پاراستنی گەل- هەپەگە، سێ چالاکیی گەریلاکان لە چەلێ و قلابانی ئاشکراکرد.

 

هەپەگە ڕایگەیاند: ڕۆژی ١١ی شوبات کاتژمێر ١١:٣٠ خولەکی نیوەڕۆ هێزەکانمان لە دژی بارەگای شکێرێی سوپای تورک لە چەلێی سەربە جولەمێگ چالاکییان ئەنجامدا و گورزی کوشندەیان لێدان، ژمارەی کوژراوان و بریندارانی دوژمن لەو چالاکییەدا نەزانرا، پاشان سوپای تورک بە هەلیکۆپتەر بریندار و کوژراوەکانی لە شوێنی چالاکییەکە گواستەوە.

 

لە بەردەوامیدا ڕایگەیاند: دوێنێ کاتژمێر ١٠:٠٠ی شەو هێزەکانمان لە گردی کۆردینەی چەلێ چالاکییەکی دیکەیان لە دژی سوپای تورک ئەنجامدا، ژمارەی کوژراو  بریندارەکانی دوژمن لەو چالاکییەشدا نەزانراوە.

 

لە کۆتاییشدا ڕایگەیاندووە: هەر دووێنێ کاتژمێر ١٢:٠٠ی نیوەڕۆ لە گردی شەهیدان لە شارۆچکەی قلابانی سەربە شرناخ چالاکییان ئەنجامدا، لەو چالاکییەدا گورز لە پێگەکانی سوپای تورک دراوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin