Smiley face
Smiley face
Smiley face

وێرانکارییەکانی سوپای تورک لە عەفرین لە پێشانگایەکدا نمایشکرا.. بەوێنە

2018-02-13 18:40:57



ڕۆژنیوز - قەرەچوغ ئەنوەر

 

لە پێشانگایەکی فۆتۆگرافیدا، وێرانکارییەکانی سوپای تورک و چەتەکانی لە کانتۆنی عەفرین نمایشکرا، ڕێکخەرانی پێشانگاکەش دەڵێن: دەمانەوێت لە ڕێگەی پیشاندانی ئەم وێنانەوە بە کۆمەڵگای نێودەوڵەتیی بڵێن، کە بێدەنگی ئێوە خەڵکی مەدەنی دەکاتە قوربانیی.

 

ئێوارەی ئەمڕۆ، ژمارەیەک چالاکوان و فۆتۆگرافەری خەڵکی ڕۆژئاوای کوردستان، لە هۆڵی میدیا لە شاری هەولێر، پێشانگایەکی فۆتۆگرافییان لەسەر وێرانکارییەکانی سوپای تورک و چەتەکانی لە کانتۆنی عەفرین کردەوە.

 

 

د.محەمە حەسەن، چالاکوانی خەڵی ڕۆژئاوای کوردستان و یەکێک لە ڕێکخەرانی پێشانگاکە، بە ڕۆژنیوزی وت: وێنەکان سەرجەمیان پیشاندانی کۆمەڵکوژی و جینۆسایدی عەفرینە کە لەلایەن سوپای تورکەوە ئەنجامدراوە.

 

د.محەمە حەسەن

 

وتیشی: ئامانجمان لەم پێشانگایە ئەوەیە، کە بە خەڵکی عەفرین بڵێین، کە ئێمە جگە لە پشتیوانیکردنی بەرخۆدانی عەفرین، دەنگی ئێوە دەگەیەنینە ھەمووی لایەک بەتایبەت کۆمەڵگسی نێودەوڵەتی، پێیان دەڵێین لە ئەنجامی بێدەنگی  ئێوە ئەم کۆمەڵکوژییە دروستبووە، چونکە سوپای تورک جەنگ دژی خەڵکی مەدەنی دەکات.

 

سامی عەفرینی، یەکێک بەشداربوویەکی پێشانگاکە، بۆ ڕۆژنیوز وتی: تەواوی وێنەکان پیشاندانی ئەو شوێنانەی ڕۆژئاوای کوردستان و بەتایبەت عەفرینە لەپێش ھێرشە داگیرکەرییەکانی تورکە لەگەڵ ئێستادا کە چۆن وێران بوون.

 

سامی عەفرینی

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin