Smiley face
Smiley face
Smiley face

کێشانی ئازار دەبێتە ژیان بۆ سنوور.. بەڤیدیۆ

2018-02-14 08:40:30



ڕۆژنیوز - سەمیرا شەهابی

 

سنوور-ی شێوەکار لە تابلۆکانیدا بەردەوام ئازارەکانی ژنان دەکێشێت و ڕەنگیان دەکات، بەڵام خۆی ئاماژە بەوە دەکات، کە ئاسۆی تێدایە و بۆ ئەو واتای ژیانە.

 

سنوور باپووری، لە شاری مهاباد لە دایکبووە و دەرچووی بەشی  فەلسەفەی زانکۆی تەبرێزە، لە منداڵییەوە وەک خۆی دەڵێت حەزی بە هونەری و ێنەکێشان هەبووە، ماوەی شەش ساڵیشە وەک هونەرمەندێکی لێهاتوو لەناو دنیای وێنەکێشاندا ون بووە و هەموو فکری دەخاتە سەر کاغەزەکانی بەردەمی و بە فڵچەکەی ڕەنگیان دەکات.

 

 

سنوور، کە ساڵانێکە لە باشوری کوردستان دەژی، حەزی بە پرسیارکردن لەبارەی ژیانی ڕابردوو و پێی وایە کە دوبارەیە.

 

زۆرینەی تابلۆکانی سنوور ڕوخسار و جەستەی ژن نیشان دەدەن و لەوبارەیەوە  وتی:"وێنەکێشان بۆ من خودی ژیانە، یان بە واتایەکی تر گرنگی ژیانە، بە کارکردن و نەکردنم دیسان هەر ژنم، لە تابلۆکانمدا ژن دەردەکەوێت لەبەر ئەوە نییە کە من ژن یا پیاو هەڵدەبژێرم، بەڵکو دەگەڕێتەوە بۆ ئەوەی، کە جەستەی ژن بۆ من ئاشناترە و دەتوانم زۆرتر تێێدا قووڵ ببمەوە، چونکە ئەزموونی ژیانی خۆمە".

 

 

ئەو ژنە شێوەکارە دەربارەی هەڵبژاردنی ڕەنگ و شێواوی جەستە و ڕوخساری ژن لەو تابلۆیانەدا و وتیشی:"ڕەنگەکان تاریک نین و من ئاسۆی تێدا دەبینم و وەک بینەرێک دوای تەماشاکردنی وێنەکە گەشبینی تێدا دەبینم".

 

 

لە وەڵامی ئەو پرسیارەی، چەند کاتی پێویستە بۆ تەواوکردنی تابلۆیەک، سنوور، وتی:"کاتەکان دیارییکراو نین و هەندێک کات تەواوکردنی تابلۆیەک سێ ڕۆژ دەخایەنێت".

 

لە کۆتاییشدا ئاماژەی بەوەدا، کە وێنەکێشان وەک دابینکردنی بژێوی ژیانی سودی لێنابینێت و تەنها خولیا و خۆشەویستییەتی هەیە بۆ هونەرەکەی.

 

بۆبینینی ڤیدیۆ لێرە کلیک بکە

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin