Smiley face
Smiley face
Smiley face

لە دهۆک جیاواز لە جیهان چالاکی بۆ عەفرین و ١٥ی شوبات قەدەغەکرا

2018-02-14 12:36:37



ڕۆژنیوز - دهۆک

 

جیاواز لە سەرتاسەری کوردستان و ولاتانی جیهان، ئاسایشی دهۆک بەو بەهانەیە کە لە سەرەوە فەرمانیان پێکراوە، چالاکیی بۆ پشتگیریکردنی عەفرین و شەرمەزارکردنی ١٥ی شوباتی قەدەغەکرد.

 

لە کاتێکدا کە لە سەرتاسەری کوردستان و جیهاندا هێرشەکانی حکومەتی تورک شەرمەزاردەکرێت، ئاسایشی دهۆک رێگا نادات هیچ چالاکییەک بەو مەبەستە لەو شارەدا ئەنجام بدرێت.

 

تەڤگەری ئازادیی کۆمەڵگەی کوردستان لە دهۆک دوێنێ بە مەبەستی شەرمەزارکردنی ١٥ی شوبات، بەرێوەبردنی سمینارێکی لە هۆڵی نادی عەمار ڕاگەیاندبوو.

 

وابڕیاربوو سیمینارەکە کاتژمێر ٠٣:٠٠ی پاشنیوەرۆ بەڕێوەبچێت، بەڵام کاتێک هاوڵاتیان بۆ بەشداربوون لە سیمینارەکەدا چووبوونە هۆڵەکە بینیبوویان کە هۆڵەکە داخراوە.

 

بۆ ئەوەش ڕێکخەرانی سیمینارەکە هەوڵیان دا پەیوەندی بە خاوەنی هۆڵەکەوە بگرن، بەڵام نەیانتوانی، پاش ماوەیەکی کورت ئاسایشی دهۆک چووە بەر دەم هۆڵەکە و بڵاوەی بە هاوڵاتیان کرد، ئەو هێزانەی ئاسایش بە هاوڵاتیانیان وت، کە لە سەرەوە فەرمانمان پێکراوە و ئەو سیمینارە بەگوێرەی یاسا قەدەغەیە.

 

لەگەڵ ئەوەشدا هاوڵاتیان بۆ ماوەیەک لە بەردەم هۆڵەکە مانەوە هەوڵیان دا سیمینارەکە ئەنجام بدەن، بەڵام ئاسایشی دهۆک دەستێوەردانی کرد و و هەڕەشەی لە هاوڵاتیان کرد.

 

هەروەها ڕاگەیەندراوە، کە ئاسایشی دهۆک ڕێگا ناداتە چالاکوانان بۆ ئەوەی چالاکی بۆ پشتگیری عەفرین ئەنجام بدەن، بەهانەکەشیان ئەوەیە، کە لە "سەرەوە فەرمانمان پێکراوە کە ڕێگا نەدەین".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin