Smiley face
Smiley face
Smiley face

دەمیرتاش لە دادگا: لە زیندان بین یان دەرەوە بەردەوامین لە تێکۆشان

2018-02-14 13:45:42



رۆژنیوز - ناوەندی هەواڵەکان

 

دانیشتنی دادگایی سەلاحەدین دەمیرتاش لە هۆڵی زیندانی سینجانی ئەنقەرە بەڕێوەچوو،و دەمیرتاش پاش ٤٦٠ ڕۆژ بەرگریی لە خۆی کرد و لەبەردەم دادوەردا وتی: لە زیندان یان لە دەرەوە تێدەدۆشین بۆ پێکهاتنی دیموکراسی

 

ئەمڕۆ بە ئامادەبوونی زیاتر لە ١٠٠ پارێزەر و باڵیۆزی چەندین وڵاتی ئەوروپا و ئەمریکا، دانیشتنی دادگایی سەلاحەدین دەمیرتاش لە هۆڵی زیندانی سینجانی ئەنقەرە بەڕێوەچوو، لە کاتێکدا وابڕیاربوو لە دادگای سزای قورسی ئەنقەرەدا بەڕێوەبچێت.

 

لە دانیشتنی دادگاکەدا باڵیۆزەکانی وڵاتانی ئەڵمانیا، نەرویج، دانیمارک، کەنەدا، سوید، هۆڵەندا، فەرەنسا و ئیرلەند ئامادەبوون و ڕێگا نەدرا بە لەیلا خالد، سیمبۆلی تێکۆشانی ئازادیی گەلی فەلەستین، بچێتە ناو هۆڵی دادگاییکردنەوە.

 

دەمیرتاش کە قبوڵی نەکردبوو کەلەپچە بکرێت لە بەرامبەر داداگا دا ئامادەبوو بەرگری لە خۆی کرد.

 

دەمیرتاش وتی: ماوەی ١٥ مانگە بەبێ ئەوەی دادگا کۆنتڕۆڵی پرسە کە بکات دەستگیرکراوم، پێویستە دادگا بەرگری لە مافی گەل بکات، هەموو ڕۆژێک یاسای نوێ پەسند دەکرێت، دەستووری بنەڕەتی دەگۆڕێت، ئێمەش ناچاردەکەن کە زینداندا سەیری ئەوانە بکەین، لە کاتێکدا بە ئیرادەی گەل نێردراوین بۆ پەرلەمان بۆ ئەوەی چاودێری ئەو شتانە بکەین.

 

وتیشی: لە ماوەی ساڵێکدا زیاتر لە سێ هەزار ئەندامی هەدەپە دەستگیرکراون و ڕەوانەی زیندان کراون، ئایا هەدەپە بە شەوێک بە تاوانبار ناسرا؟ دەیانەوێت هەدەپە ناچالاک بکەن بۆ ئەوەی بتوانن دەستووری بنەڕەتری بگۆڕن، بەڵام ئێمە چ لە زینداندا بین و چ لە دەرەوە بۆ پێکهێنانی دیموکراسی تێدەکۆشین.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin