Smiley face
Smiley face
Smiley face

لە ٢٤ کاتژمێردا چوار کەس لە باشوری کوردستان کوژران و خۆیان کوشتووە

2018-02-18 10:25:25



ڕۆژنیوز – ناوەندی هەواڵەکان

 

لە کەمتر لە ٢٤ کاتژمێردا، لە چوار پارێزگای باشوری کوردستان چوار کەس کوژراون و خۆیان کوشتووە.

 

کوشتن و خۆ کوشتن لە باشوری کوردستان بووە بە دیاردە و ڕۆژانە لە هەواڵی لەو جۆرە بڵاودبێتەوە.

 

شەوی ڕابردوو لەناو بازاڕی هەڵەبجە، بەهۆی دروستبوونی دەمەقاڵێوە، مامۆستایەک بە چەقۆ هاوڵاتییەکی کوشت، کە فەرمانبەر و لە هەمانکاتدا دووکاندار بووە ، دواتریش بکوژەکە لەلایەن پۆلیسەوە دەستگیرکرا.

 

هەر شەوی ڕابردوو، لە گەڕەکی حوڕییەی شاری کەرکوک کارمەندێکی ئاسایشی پارتی بەنای (سەمیر حەسەن) لەلایەن چەند کەسێکەوە تەقەی لێکرا و کوژرا.

 

بەگوێرەی زانیارییەکانی ڕۆژنیوز، ڕووداوەکە بەهۆی کێشەی کۆمەڵایەتییەوە بووە.

 

لەلایەکی دیکەوە، شەوی ١٥ی ئەم مانگە، لە شارۆچکەی کۆیەی سەر بە پارێزگای هەولێر ژنێکی تەمەن ٢٠ ساڵ بەناوی (ئامیز عومەر مولود)

%٧٠ی جەستەی سوتا و ئێوارەی دوێنێ گیانی لەدەستدا.

 

بە وتەی پۆلیسی شارۆچکەکە، ئەو ژنە بەهۆی کێشەی لەگەڵ هاوسەرەکەی "خۆی خۆی سوتاندووە".

 

لەلایکی دیکەوە، بەگوێرەی ڕاگەیەندراوێکی بەڕێوبەرایەتیی پۆلیسی سلێمانی، بەیانی ئەمڕۆ له‌ گه‌ڕه‌کی سێتوان-ی شاری سلێمانی هاوڵاتییه‌کی ته‌مه‌ن ٥٠ ساڵ بە پەت خۆی خنکاندووە و کۆتایی به‌ژیانی خۆی هێناوە.

 

هەر بەگوێرەی ڕاگەیەندراوەکە، دوای گه‌یشتنی هێزه‌کانی پۆلیس ته‌رمه‌که‌ی ڕه‌وانه‌ی پزیشکی دادوه‌ری له‌ شاری سلێمانی کرا و به‌ پێی لێکۆڵینه‌وه‌ سه‌ره‌تاییه‌کانیش ئه‌و هاوڵاتییه‌ نه‌خۆشی ده‌روونی هەبووە.

 

بەگوێرەی ئامارێک، کە ڕۆژنیوز لای خۆی کۆیکردووەتەوە، تەنیا لە سەرەتای ئەمساڵەوە هەتا ئێستا ٦٣ هاوڵاتی باشوری کوردستان کوژراون و خۆیان کوشتووە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin