Smiley face
Smiley face
Smiley face

كەمپەینێك بۆ كۆكردنەوە هاوكاری بۆ عەفرین ڕاگەیەندرا

2018-02-18 12:48:14



ڕۆژنیوز – سلێمانی

 

مانگی سوری كوردی و ڕێكخراوی پزیشكانی دەروونی بێسنور كەمپەینێكیان بۆ كۆكردنەوەی پێداویستی پزیشكی و دەرمان و شیر بۆ عەفرین ڕاگەیاند، پەرلەمانتارێكیش بانگەواز لە خەڵكی هەرێم دەكات هاوكاری بۆ عەفرین كۆبكەنەوە.

 

ئەمڕۆ لە بینای ڕێكخراوی مانگی سوری كوردی لە شاری سلێمانی، كەمپەینێك بۆ كۆكردنەوەی هاوكاری بۆ شاری عەفرین ڕاگەیەندرا، بڕیارە كەمپەینەكە تا ئەوكاتەی شاری عەفرین پێویستی بە هاوكاری بێت  بەردەوام دەبێت.

 

لە كۆنگرەیەكی ڕۆژنامەنووسیدا، ئازاد عومەر، بەرپرسی مانگی سوری كوردی لە هەرێمی كوردستان كە كەمپەینەكەی ڕاگەیاند وتی:"دەوڵەتی توركیا هێرشێكی نا مرۆڤانە دەكاتە سەر شاری عەفرین، بەو هۆیەشەوە كەسانێكی زۆر لە هاوڵاتی مەدەنی و ژن و منداڵ بریندار بوون، بۆیە عەفرین پێویستی بە هاوكاری هەیە، ئێمەش لە ڕێگەی ئەم كەمپەینەوە هاوكاری پزیشكی و دەرمان و شیر، كۆدەكەینەوە، داوا لە هاوڵاتیانیش دەكەین هاوكارمان بن".

 

دواتر شێركۆ حەمەئەمین، یەكێك لەو پەرلەمانتارانەی پەرلەمانی هەرێمی كوردستان، كەسەردانی شاری عەفرینیان كردبوو، وتی:"ئەوەی دەوڵەتی توركیا لە عفرین ئەنجامی دەدات دوورە لەهەموو بنەماكانی مرۆڤایەتی و یاسا نێودەوڵتیەكانەوە، خەڵكی مەدەنی و سەرچاوەی ئاو و نەخۆشخانەو قوتابخانە و شوێنەوارە مێژوویەكان دەكاتە ئامانج".

 

 

شێركۆ حەمەئەمین، ئاماژەی بەوەشكرد، كە عەفرین پێویستی بە هەموو جۆرە هاوكارییەكە و داوای لە هاوڵاتیانی هەرێمی كوردستان كرد، كە هاوكاری و پێداویستی بۆ عەفرین كۆبكەنەوە و بەشداری لە كەمپەینەكەی مانگی سوری كوردی و ڕێكخراوی پزیشكانی دەرونی بێسنور-دا بكەن.

 

كەمپەینەكە لە بارەگای مانگی سوری كوردی پێداویستیەكان وەردەگرێت، كە دەكەوێتە گەڕەكی ئاشتی لەشاری سلێمانی بەرامبەر قوتابخانەی بڵند، هەوەرها بەرپرسانی كەمپەینەكە ڕایانگەیاند هەر هاوڵاتیەك دەیەوێت دەرمان و پێداویستی پزیشكی و شیری منداڵ بگەیەنێتە دەستی ئەندامانی كەمپەینەكە، لە ڕێگەی ژمارە تەلەفون و ناونیشانی سەر پۆستەری كەمپەینەكەوە پەیوەندیان پێوە بكات.

 

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin