Smiley face
Smiley face
Smiley face

باران پرۆژەیەکی تەواونەکراوی لە سەیدسادق ڕووخاند

2018-02-18 18:16:46



ڕۆژنیوز- هاوكار مستەفا

 

بارانبارینی بەدەوام، بەشێکی پرۆژەی دیواری ڕاگری پاركی سەرشاخی سەیدسادق-ی ڕووخاند، كە ماوەی چوار ساڵە كاری تێدا دەكرێت و هێشتا تەواو نەكراوە.

 

ئێوارەی ئەمڕۆ، بەهۆی كاریگەریی ئەو شەپۆلە بارانەی چەند ڕۆژە هەرێمی کوردستانی گرتووەتەوە، بەشێكی دیواری ڕاگری پاركی سەرشاخی شارۆچکەی سەیدسادق-ی سەر بە شاری سلێمانی ڕووخا.

 

دیاری ڕەفیق، قایمقامی شارۆچكەی سەیدسادق، بە ڕۆژنیوزی وت: لەگەڵ ئەوەی چەند ڕۆژێكە بە بەردەوامیی باران دەبارێت، بەڵام خۆشبەختانە هیچ حاڵەتێكی نەخوازراو تۆمار نەكراوە، تەنها ئەوە نەبێت كە بەشێك لە دیواری ڕاگری پاركی سەرشاخی سەیدسادق ڕووخاوە.

 

 

ڕوونیشیکردەوە: ئەو پرۆژەیە لە ساڵی ٢٠١٤ وە كاری تێدا دەكرێت و لەلایەن كۆمپانیای ئەهلییەوە كارەكانی ڕادەپەڕێنرێت، بەڵام هێشتا نەتوانراوە تەواو بكرێت، هەرچەندە وەزیری شارەوانیش بەڵێنی دابینكردنی بڕی ٤٠٠ ملیۆن دیناری پێدا بووین بۆ تەواوكردنی پرۆژەكە، بەڵام نەخرایە بواری جێبەجێكردنەوە.

 

قایمقامی شارۆچكەی سەیدسادق ئەوەشی وت: بەهۆی ئەوەی هێشتا ئەو پرۆژەیە ڕادەستی ئێمە نەكراوە، چاككردنەوەی دیوارە ڕووخاوەكەش دەكەوێتە ئەستۆی كۆمپانیای جێبەجێكارەوە و پەیوەندی بە ئێمەوە نییە.

 

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin