Smiley face
Smiley face
Smiley face

ئەنجومەنی ئاسایشی نەتەوە یەکگرتووەکان بۆ دۆخی سوریا کۆدەبێتەوە

2018-02-22 11:57:32



ڕۆژنیوز - ناوەندی هەواڵەکان

 

ئەنجومەنی ئاسایشی نەتەوە یەکگرتووەکان دوابەدوای بەرفراوانبوونەوەی شەڕ لە ناوخۆی سوریادا کۆدەبێتەوە.

 

کۆبوونەوەکە لە سەر داوای سوید و کوێت ئەنجام دەدرێت و ئەگەر هەیە ئەمڕۆ دەنگ لە سەر ڕاگەیاندنی ئاگربەستێکی ٣٠ ڕۆژە بدرێت.

 

کۆبوونەوەکە دوابەدوای گەشبوونەوەی ئاگری شەڕ لە ناوخۆی سوریادا ئەنجام دەدرێت، بە هۆی ئەو شەڕانەی لە چەند ڕۆژی ڕابردوودا لە غوتەی ڕۆژهەڵات ڕوویانداوە سەدان هاوڵاتی ەدەنی کوژراون.

 

دەوترێت کە تەنیا لە ڕۆژی یەکشەممە دا ٣٢٠ هاولاتی مەدەنی لە غوتەی ڕۆژهەڵات-ی سەر بە دیمەشق کوژراون، کە ٧٦ یان منداڵ بوون.

 

هەروەها بەهۆی هێرشەکانی سوپای تورک بۆ سەر کانتۆنی عەفرین، ٢٠٠ هاوڵاتی مەدەنی کوژراون کە زۆربەیان منداڵن.

 

ڕوسیا داوای لە ئەنجومەنەکە کردووە کە بە زووترین کات کۆببێتەوە، بەڵام هێشتا ئاشکرانەبووە کە ئەنجومەنی ئاسایش ئەمڕۆ لەو بارەیەوە دەنگ دەدات یان نا.

 

ئەو ئاگربەستەی باسی لێدەکرێت شەڕی دژی داعش ناگرێتەوە.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin