Smiley face
Smiley face
Smiley face

پنتاگۆن: لە عەفرین هاوڵاتیانی مەدەنی دەکوژرێن

2018-02-22 13:20:30



ڕۆژنیوز - ناوەندی هەواڵەکان

 

ئادریان گالۆوەی، وتەبێژی وەزارەتی بەرگریی ویلایەتە یەکگرتووەکانی ئەمریکا دەڵێت، کە لە عەفرین هاوڵاتیانی مەدەنی دەکرێنە ئامانج و دەکوژرێن.

 

بەگوێرەی هەواڵێکی دەنگی ئەمریکا، ئادریان گالۆوەی لە بەرنامەیەکی تەلەفزیۆنیی کەناڵی 'ئەل حوڕا' دا بەشداربووە و وەڵام پرسیارەکانی لە بارەی عەفرینەوە داوەتەوە.

 

گالۆوەی وتوویەتی: پاراستنی ئاسایشی منبیج لە دەستی ئەو هێزانەدایە کە لەوێن، ئەو هێزانەش لە پێکهاتەکانی ئەو ناوچەیە دروست بووە، لەوێ کورد و پێکهاتەکانی دیکەی لێیە کە بەمەستی بەرگری لە خۆیان خۆیان پەروەردە کردووە.

 

لە بەردەوامیدا وتی: شەڕی عەفرین، شەڕی دژی داعشی بە لاڕێدابردووە، ئەو هێزانەی لە عەفرین لە شەڕدان، شەڕی سەرەکییان بە لاڕێدا بردووە.

 

ئاماژەی بەوەش دا: بۆ ئەوەی نیگەرانییەکانی تورکیا لە بارەی ئاسایشی سنوورەکانییەوە چارەسەربکەین، لە هەوڵدانێکی زۆر بەهێزی دبلۆماسی داین.

 

وتەبێژی پنتاگۆن وتیشی: لە عەفرین هاوڵاتیانی مەدەنی دەکوژرێن، گرنگ ئەوەیە ئاڵۆزییەکان کەم بکرێنەوە.

 

ئەمە وتانە لە کاتێکدایە، کە بەهۆی هێرشەکانی سوپای تورکەوە، تا ئێستا سەدان هاوڵاتی مەدەنی شەهید و برینداربوون، کە زۆرینەیان ژن و منداڵن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin