Smiley face
Smiley face
Smiley face

ڕژاک لەبارەی زیادبوونی تووندوتیژییەکانی سەر ژنانەوە هۆشداریی دەدات

2018-02-22 16:34:00



ڕۆژنیوز - عەلی قادر

 

ڕێکخراوی ژنانی ئازادی کوردستان-ڕژاک، لەبارەی زیادبوونی تووندوتیژییەکانی سەر ژنانەوە، هۆشداریی دەدەن و ڕایدەگەیەنن، کە ساڵ بە ساڵ ڕێژەی کوشتن و توندوتیژییەکان بەرامبەر ژنان لەزیادبووندایە.

 

ئێوارەی ئەمڕۆ، لە باخی گشتیی شارۆچکەی قەڵادزێ-ی سەر بە ئیدارەی ڕاپەڕین، ڕێکخراوی ژنانی ئازادی کوردستان-ڕژاک، لە دژی تووندوتیژی سەر ژنان، گردبوونەوەیەکیان ئەنجامدا.

 

لە گردبوونەوەکەدا، شازە محەمەد، ئەندامی ڕێکخراوی ژنانی ئازادی کوردستان-ڕژاک، بەیاننامەی گردبوونەوەکەی خوێندەوە و تیایدا هاتبوو: زیهنییەتی پیاوسالاری کە خۆی دەبینێتەوە لە بێبەشکردنی ژن لە ماف و ئازادییەکانی، دەبێت لەوە تێبگات کە ژن نەبێت ژیانیش نابێت.

 

 

ئەوەش خرابووەڕوو: ساڵ بە ساڵ ڕێژەی کوشتن و تووندوتیژییەکان بەرامبەر ژنان لەزیادبووندایە، بۆیە تاکو ژن ئازادنەبێت، کۆمەڵگاش ئازاد نابێت.

 

لەکۆتایی بەیاننامەکەدا، ڕژاک جەخت دەکاتەوە، کە دەبێت خەباتی ژنان لەناو ڕێکخستنەکانی ڕژاک جۆش بدەین و شۆڕشی هۆشیاریی دژ بە عەقڵییەتی پیاوسالاری و بێبڕوایی  بەرەو پێشەوە ببەین، تا گەیشتن بەمافەکانمان لەخەبات و تێکۆشان بەردەوام دەبین.

 

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin