Smiley face
Smiley face
Smiley face

لە قەرەداغیش پشتیوانیی عەفرین کرا

2018-02-25 15:28:02



ڕۆژنیوز - قەرەداغ

 

لە شارۆچکەی قەرەداغ گردبوونەوەکی جەماوەریی بۆ پشتیوانیی بەرخۆدانی عەفرین ڕێکخرا و تیایدا ئیدانە ھێرشەکانی سوپای تورک کرا بۆ سەر ئەو کانتۆنە.

 

کاتژمێر ٠٢:٣٠ خولەکی پاش نیوەڕۆی ئەمڕۆ، لە شارۆچکەی قەرەداغ-ی سەر بە شاری سلێمانی، تەڤگەری ئازادیی کۆمەڵگەی کوردستان، گردبوونەوکی جەماوەریی بۆ پشتیوانیی بەرخۆدانی عەفرین ئەنجامدا.

 

لە گردبوونەوکەدا، عەبدولوەهاب ئەحمەد، ئەندامی دەستەی بەڕێوبەرایەتی تەڤگەری ئازادیی وتارێکی پێشکەشکرد و وتی: ئەوەی لە عەفرین ڕوودەدات درێژکراوەی ئەو جینوساید و کۆمەڵکوژییەیە کە ڕژێمی پێشووی عێراق بەسەر قەرەداغ و ھەڵەبجە و گەرمیانیدا ھێنا، ئەو بەرگرییەش کە لە عەفرین دەکرێت، بەرگرییە لە ھەموو کوردستان و مرۆڤایەتی.

 

 

عەبدولوەھاب ئاماژەی بە دەستگیرکردنی سالح موسلیم کرد لە وڵاتی چیک و وتی:"دوژمنان با ئەوە بزانن، کە بە گرتنی سەرۆک ئاپۆ و سەلاحەدین دەمیرتاش و ساڵح موسلیم ناگەنە ئامانجەکانیان و گەلی کورد بەھێزتر و یەکگرتووتر دەکات.

 

ئەو ئەندامی دەستەی بەڕێوەبەری تەڤگەری ئازادیی، داوای لە ھاوڵاتیانی شارۆچکەی قەرەداغ و باشوری کوردستان کرد، کە لەپێناو پوچەڵکردنەوەی ئامانجی دوژمناندا بەھەموو شێوەیەک پشتگیریی عەفرین بکەن.

 

هەر لە گردبوونەوەکەدا، عادلی حاجی قادر، بەناوی دانیشتووانی شارۆچکەی قەرەداغەوە، قسەیکرد و وتی: وەک دانیشتووانی قەرەداغ ھاوسۆزی و پشتیوانی خۆمان بۆ شەڕڤانان و ھاوڵاتیانی عەفرین دەرەبڕین و ئیدانەی ھێرشی تورکیا دەکەین بۆ سەر کانتۆنی عەفرین.

 

 

ناوبراو داوای لە ھاوڵاتیان کرد، پشتیوانی و ھاکاری عەفرین بکەن و ھەڵوێست نیشانبدەن لەبەرامبەر ھەوڵە داگیرکارییەکانی دەوڵەتی تورکدا.

 

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin