Smiley face
Smiley face
Smiley face

پێنج پێشمەرگە برینداربوون

2018-02-25 15:47:24



ڕۆژنیوز - عەلی قادر

 

بەهۆی وەرگەڕانی ئۆتۆمبێلێکەوە لەسەر ڕێگای سەرەکیی ڕانیە-قەڵادزێ، پێنج پێشمەرگە برینداربوون، بەوتەی جێگری بەڕێوبەری نەخۆشخانەی شەهیدانی نوێی قەڵادزێ-ش، برینی دوو لە پێشمەرگەکان سەختە.

 

دوانیوەڕۆی ئەمڕۆ، لەسەر ڕێگای سەرەکیی نێوان شارۆچکەی ڕانیە-شارۆچکەی قەڵادزێ، ئۆتۆمبێلێک وەرگەڕا و بەهۆیەوە شۆفێرەکەی و هەرچوار سەرنشینەکەی برینداربوون، کە پیشەی هەر پێنجیان پێشمەرگایەتییە.

 

شۆڕش ئیسماعیل، وتەبێژی پۆلیسی ڕاپەڕین، بە ڕۆژنیوزی ڕاگەیاند : لە سەر ڕێگای سەرەکیی ڕانیە-قەڵادزێ، ئۆتۆمبێلێک لەجۆری تۆیۆتا کرۆلا کۆنرۆڵی لەدەست دەداوە وەرگەڕاوە، شۆفێرەکەی و چوار هەرچوار سەرنشینەکەی برینداربوون، کە پیشەیان پێشمەرگەیە.

 

شۆڕش ئیسماعیل

 

ئەوەشی خستەڕوو: پاش ڕووداوەکە، بریندارەکان گەیەندرانە نەخۆشخانەی فریاکەوتنی قەڵادزێ و پەڕاوی لێکۆڵینەوەش بۆ ڕووداوەکە کراوەتەوە.

 

لەبارەی دۆخی بریندارەکانیشەوە، عوسمان محەمەد، جێگری بەڕێوبەری نەخۆشخانەی شەهیدانی نوێی قەڵادزێ، بە ڕۆژنیوزی وت: برینی دوو لە بریندرارەکان سەختە و زۆربەی برینەکان شکاویی.

 

ڕوونیشیکردەوە، کە دوو لە بریندرارەکان حەوزیان شکاوە و یەکێکی تریش بەتووندی ملی ئازاری پێگەیشتووە و ئێسکەکانی درزیان بردووە.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin