Smiley face
Smiley face
Smiley face

فلیمی 'زەر' لە هەفتەی پشتیوانیی عەفریندا نمایشکرا

2018-02-25 16:47:07



ڕۆژنیوز – سلێمانی

 

چالاکیە هونەرییەکانی هەفتەی پشتگیریی عەفرین لە شاری سلێمانی، بە نمایشکردنی چەند فیلمێکی دۆکۆمێنتاریی بەردەوامە و لەوچوارچێوەیەدا، فیلمی "زەر" نمایش دەکرێت.

 

ئەمڕۆ، لە  کاتژمێر ٠٣:٠٠ ی پاشنیوەڕۆوە بۆ کاتژمێر ٠٦:٠٠ ی ئێوارە، لە سینەما سالم لە شاری سلێمانی، فلیمی "زەر" نمایش دەکرێت، کە لە دەرهێنانی کازم ئووزە.

 

ناوەڕۆکی فیلمەکە، باس لە گەنجێک دەکات بەناوی "ژان"، کە گەنجێکی نامۆ و بێباکە، لە ئەمەریکا موزیک دەخوێنێت، چەند ڕۆژێک ناچار دەکرێت لە نەخۆشخانە لای داپیرەی بمێنێتەوە، دوای ئەوەی داپیرەی گۆرانییەکی بۆ دەڵێت کە "ژان" زمانەکەی نازانێت و بۆی نامۆیە و سەرنجی ڕادەکێشێت، داپیرەی دەمرێت و لەوێوە بۆ بەخاکسپاردن دەیبەنەوە زێدەکەیان، گۆرانییە نامۆکەی داپیرەی وردە وردە گومان لای "ژان" دروست دەکات و دنەی دەدات بە دوای ڕیشەکەیدا بگەڕێت، کە پەیوەستە بە شوناسیەوە.

 

 

نمایشکردنی ئەو فیلمە، لەچوارچێوەی ئەو هەفتە چالاکییەدایە، کە ناوەندی غەزەلنووس و ماڵی سوهرەوەردی و خانەی حیکمەت، بە هاوکاریی چاند و هونەری باشور، هەفتەی پشتگیریی لە بەرخۆدانی عەفرینیان دەستپێکردووە و تیایدس چەندین پانێڵ و نمایشی فیلم و چالاکی هونەریی جۆراوجۆر لەخۆدەگرێت.

 

جێگای ئاماژەپێکردنە، نمایشی تەواوی فیلمەکان بێ بەرامبەرە و تەواوی فیلم و پانێڵەکان لە هۆڵی سینەما سالم دەبن لە شاری سلێمانی، هەروەها نمایشی هەشت فیلمی سەر بە نەریتی بەرخۆدانی باکور و ڕۆژئاوا بێ بەرامبەر دەبێت.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin