Smiley face
Smiley face
Smiley face

سرودێکی پەکەکە شارێکی تورکیای هەژاند

2018-02-27 09:14:05



ڕۆژنیوز - ناوەندی هەواڵەکان

 

لە شاری مانیسای تورکیادا، لە چالاکییەکدا لە مکەبەرەی ناوەندی شارەوانی مەهەپەوە سرودی "ئیرۆ چەرخا شۆڕشێ فرە دگەرینێ" پەخش کرا، کە گرێدراوی دەیان پارکە و دەنگەکە تەواوی شاری گرتەوە.

 

دوای گوشارەکانی حکومەتی تورک بۆ سەر زمان و گۆرانی کوردی، لە چالاکییەکی ناڕەزاییدا سرودی پەکەکە لە تەواوی ناوەندە گشتییەکانی شاری مانیسا پەخش کرا و بۆ ماوەی چەند خەلەکێک شارەکەی شڵەژاند.

 

ئەو چالاکییە پاش دوو توندوتیژیی پۆلیسی تورک دژ بە گوێگرتنی هاوڵاتیانی کورد بە گۆرانی کوردی ئەنجامدرا.

 

چەند ڕۆژێک پێش ئێستا پۆلیسی تورک گەنجێکی کوردی دەستگیرکرد بەو تۆمەتەی لە پارکێکدا بە فیکە سرودێکی پەکەکە لێدابوو، پاشان دادگای تورک داوای سزای ٢٧ ساڵ زیندانی بۆ کرد.

 

هەروەها پۆلیسی تورک چەند ڕۆژێک پێش ئێستا هەڵیکوتابووە سەر زەماوەندێکی کوردی کە تێیدا گۆرانی کوردی پەخش کرابوو و زەماوەندەکەی قەدەغە کردبوو.

 

پاش ئەو دوو هێرشەی پۆلیسی تورک، هاوڵاتیانی کورد وک کاردانەوە لە ناوەندی شارەوانی شاری مانیسا کە سەربە مەهەپەیە، واتە فاشیستە تورکەکانە، چالاکییان ئەنجامدا، لە چالاکییەکەدا توانیان سرودێکی تایبەت بە پەکەکە بڵاوبکەنەوە، بەشێوەک لە مکەبەرەی ناوەندی شارەوانییەوە بڵاوکرایەوە، کە بەستراوە بە مکەبەرەی دەیان پارک و شوێنی گشتییەوەو لەیەک کاتدا لە هەموو شوێنەکان دەنگەکان بڵاوکرایەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin