Smiley face
Smiley face
Smiley face

ئێران لە مانگێکدا ١٣ ژینگەپارێزی دەستگیرکردووە

2018-02-28 10:57:03



ڕۆژنیوز - ناوەندی هەواڵەکان

 

حکومەتی ئێڕان ئۆپەراسیۆنکی لە دژی ژینگەپارێزانی ئێرانی دەستپێکردووە، لە ماوەی مانگێکدا ١٣ ژینگە پارێزی دەستگیرکردووە.

 

بە گوێڕەی ناوەندەکانی پاراستنی مافەکانی مرۆڤ لە ئێراندا، لە ماوەی مانگێکدا ١٣ ژینگەپارێزی ئێڕانی دەستگیرکراون، چەند کەسێکیان هیچ زانیارییەک لە بارەیانەوە ڕانەگەیەندراوە و یەکێکیان لە زینداندا بە شێووەیەکی گوماناوی گیانی لە دەستداوە.

 

هومەن جۆکار، ئەمیرحسێن خالقی، سام ڕەجەبی، تاهر قەدیریان، نیلوفەر بەیانی، سپیدە کاشانی، موراد تاهباز، کاوس سەید ئیمامی، حسێن ڕاغ، حەسەن زارع، عارف زارع، عەبدوڕەزا کوهپایە، و عەلیرەزا فەرهادزادە، ١٣ ژینگەپارێزی ئێرانین کە لە ماوەی مانگی ڕابردوود لەلایەن هێزە ئەمنییەکانی ئێڕانەوە دەستگیرکراون.

 

دوو هەفتە پاش ئەوەی کاوس سەید ئیمامی دەستگیرکرا، لە زیندانەوە بە خانەوەدەکەی ڕاگەیەندرا کە ناوبراو گیانی لە دەستداوە.

 

ئەوە لە کاتێکدایە، کە زیاتر لە ١٠ هاوڵاتی ئێڕانی کە لە ئەنجامی خۆپیشاندانەکانی گەلانی ئێراندا دەستگیرکرابوون، لە زینداندا لە ژێڕ ئەشکەنجەدا کوژران، ناوەندە پەیوەندیدارەکانی ئێران بانگەشەی ئەوەیان کرد، کە ئەو دەستگیرکراوانە هەموویان خۆیان کوشتووە.

 

عەلیرەزا فەرهادزادە، دوایین ژینگەپارێزی دەستگیرکراوە، ناوبراو دەرهێنەری چەند فیلمی دۆکیۆمینتاری لە بارەی ژینگەی سروشتی و ژیانی ئاژەڵەکانی دەرهێناوە.

 

حکومەتی ئێران بانگەشەی ئەوە دەکات، کە ئەو ژینگەپارێزانە کاری سیخورییان کردووە بۆ وڵاتانی دەرەوە، بەڵام هیچ وردەکارییەک لە بارەی دۆسییەکانیانەوە ئاشکرا ناکات.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin