Smiley face
Smiley face
Smiley face

ساڵح موسلیم شێوازی دەستگیرکردنەکەی دەگێڕێتەوە

2018-02-28 15:12:42



ڕۆژنیوز - ناوەندی هەواڵەکان

 

ساڵح موسلیم، بەرپرسی پەیوەندییەکانی دەرەوەی تەڤ-دەم دەگێڕێتەوە، کە چۆن دەستگیرکراوە، هەروەها ڕۆڵی حکومەتی تورک لەو یارییەی لە پراگدا کە شکستی هێنا دخاتە ڕوو.

 

ساڵح موسلیم، لە بارەی چەند ڕۆژی دەستگیربوونی لە پراگی پایتەختی چیک، قسەی بۆ ئاژانسی هەواڵی فورات کردووە و ئەو بابەتەی نرخاندووە.

 

ساڵح موسلیم دەڵێت: بۆ کۆنفرانسێکی تایبەت لە پراگ بووم، من وەک نوێنەری باکوری سوریا لە کۆنفرانسەکەدا بەشداریم دەکرد، لە ڕۆژی چوارەمی کۆنفرانسەکەدا پاش ئەوەی دانیشتنەکە کۆتایی پێهات دەگەڕامەوە، لە هۆتێل پۆلیسی چیک هاتن و وتیان بڕیاری دەستگیرکردنتمان هەیە، بەڵگەی دادگایان پێبوو و دەستگیریان کردم، وتیان ئەوە لە سەر داواکاریی حکومەتی تورک ئەنجام دەدرێت، لێکۆڵینەوەیەکی کورتیان لەگەڵ کردم و پاش دوو ڕۆژ نێڕدرامە بەر دەم دادوەر.

 

لە بەردەوامیدا وتی: ئەو جۆرە ڕووداوانە پەیوەندییان بە دەستڕۆیشتوویی دەزگا هەوڵگرییەکانی تورکیاوە هەیە، چونکە وڵاتی چیک بە لاواز دەبینن دەیانەوێت گورزی لێ بدەن، باش دەزانین کە دەزگای هەواڵگری تورک لە سەرتاسەری ئەوروپادا بڵاو بووەتەوە، ناتوانن بەو شێوەیەی لە کوردستان دەیکەین لەوێ چالاکیی سەربازی ئەنجام بدەن، بەڵام دادگای چیک هۆشیاربوو و بەو یارییە زانیبو، بۆیەشە ئازادیان کردم.

 

لە بارەی کەلەپچەکردنیشییەوە، وتی: لە کاتی دەستگیرکردنم دا کەلەپچەیان بەکارنەهێنا، بەڵام ئەو کاتەی بردمیان بۆ بەردەم دادوەر کەلەپچەیان کردم، تەنیا بۆ ماوەی ١٥ خولەک کەلەپچەم بە دەستەوە بوو، وتیان نۆرمال وایە، نازانم بۆ ئەوان چ واتەیەکی هەیە، بەڵام بۆ ئێمە جیاوازییەک لە نێوان کەلەپچەکراو و کەلەپچەنەکراودا نییە.

 

لە وەڵامی ئەو پرسیارەدا کە ئایا دەستگیرکردنی پەیوەندیی بە عەفرینەوە هەیە وتی: بێگومان هەیەتی، تورکیا بەهۆی بەرخۆدانی عەفرینەوە شێت و هاربووە، ئێمە دەنگی عەفرینین لە ئەوروپا، هەوڵ دەدەن بێدەنگمان بکەن و بەڵام ناتوانن، قەتیش سەرناکەون.

 

لە بارەی پەیوەندیی نێوان ڕوسیا و تورکیاشەوە وتی: پێموانییە ئەو پەیوەندییە ستراتژی بێت، پەیوەندییەکە لە سەر بنەمای بەرژەوەندییەکانیان و کاتییە، تورکیا بە زوویی دەبێتە بەڵای گیانی ڕوسیاش، تورکیا هەڕەشەیە بۆ سەر ئاشتی لە هەمووی جیهان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin