Smiley face
Smiley face
Smiley face

کورد لە ئوسترالیاوە تا فەرەنسا لە شەقامەکانە بۆ عەفرین

2018-03-04 09:02:18



ڕۆژنیوز - ناوەندی هەواڵەکان

 

هاوڵاتیانی کوردی دانیشتووی ئەوروپا و ئەوسترالیا لە سەرتاسەری ئەوروپا ڕژانە سەر شەقامەکان و هێرشی حکومەتی تورک بۆ سەر عەفرینیان شەرمەزارکرد.

 

ئێوارەی دوێنێ لە وڵاتانی ئوسترالیا، نەمسا، یۆنان، هۆڵەندا، فەرەنسا، چەندین خۆپیشاندان و چالاکی بۆ پشتگیریکردنی بەرخۆدانی سەردەم لە عەفرین ئەنجام درا.

 

لە شاری ملبۆرنی ئوسترالیا بە پێشەنگایەتی ناوەندی جڤاکی کوردی دیموکرات گردبوونەوەیەک ئەنجامدرا و هێرشی سوپای تورک بۆسەر عەفرین شەرمەزارکرا، لە گردبوونەوەکەدا بەتایبەتی جەخت کرایەوە لەسەر ئەو تاوانانەی حکومەتی تورک لە دژی هاوڵاتیان ئەنجامیان دەدات.

 

لە ئەسینای پایتەختی یۆنان، ڕێپێوانێک ئەنجامدرا و لە بەردەم باڵیۆزخانەی حکومەتی تورک لەو وڵاتە گردبوونەوە پێکهات، خۆپیشاندەران دروشمی کوردستان بۆ فاشیزم دەبێتە گۆڕستان یان وتەوە.

 

هەروەها سەدان هاوڵاتی کورد لە شاری ڕۆتێردامی هۆڵەندا گردبوونەوە و پشتگیرییان دەربڕی بۆ بەرخۆدانی سەردەم لە عەفرین.

 

لە شارەکانی تولوز، ڕێنێ و لاڕۆشێلی فەرەنساش بە هەمان مەبەست چەند خۆپیشاندانێک ئەنجامدرا.

 

لەلایەکی دیکەوە بە پێشەنگایەتی ناوەندی جڤاکی دیموکراتی کورد لە ڤیەننای پایتەختی نەمسا، ڕێپێوانێک ئەنجامدرا و بە وتنەوەی دروشمی ئەردۆغانی تیرۆریست هێرشی حکومەتی تورک بۆ سەر عەفرین شەرمەزارکرا.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin