Smiley face
Smiley face
Smiley face

حزب و ڕێکخراوەکان لە ئەوروپا بۆ عەفرین کۆدەبنەوە

2018-03-05 08:59:27



ڕۆژنیوز - ناوەندی هەواڵەکان

 

ڕێکخراو، حزب و کەسایەتییەکانی کوردستان، بۆ ئەوەی هەڵوێستیان لە بارەی عەفرینەوە لە ئاستی نێودەوڵەتیدا بەهێزتر بکەن، لە ئەوروپا کۆدەبنەوە.

 

ڕۆژی ١١ی ئازار کۆبوونەوەیەک بە بەشداربوونی لایەنە کوردییەکان لە ئەوروپا و بە پێشەنگایەتی کۆنگرەی نەتەوەیی کوردستان و یەکێتی خوێندکارانی عەفرین بە دروشمی "هەڵوێستێ نێودەوڵەتی بۆ بەرخۆدانی عەفرین" لە هۆڵەندا بەڕێوەدەچێت.

 

نوێنەری حزبەکانی کوردستان، کەسیاتییەکان، ڕێکخراوەکان و پێکهاتەکانی دانیشتووی کوردستان لەو کۆبوونەوەیەدا بەشداردەبن، پێدەچێت ٨٠٠ کەس لە کۆبوونەوەکەدا بەشداری بکەن.

 

دوێنێ بەمەبەستی ئامادەکاری بۆ ڕێکخستنی کۆبوونەوەکە، کۆبوونەوەیەک لە بروکسلی پایتەختی بەلجیکا بەڕێوەچوو، تێیدا بانگەوازی کرا کە زۆرترین کورد و کەسایەتیی تێیدا بەشداری بکەن.

 

یەکێتی نیشمانی کوردستان، بزوتنەوەی گۆڕان و پارتەکانی ڕۆژئاوای کوردستان لە کۆبوونەوەی دوێنێ دا بەشدارییان کرد.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin