Smiley face
Smiley face
Smiley face

بوڵدان لە پەرلەمانی تورکیادا: عەفرین هی خەڵکی عەفرینە بچنە دەرەوە لەوێ

2018-03-06 15:18:21



ڕۆژنیوز - ناوەندی هەواڵەکان

 

پەروین بوڵدان، هاوسەرۆکی پارتی دیموکراتی گەلان- هەدەپە، بە داگیرکەران دەڵێت، کە عەفرین هی خەڵکی عەفرینە، ئێوە کارتان چییە لە عەفرین؟ بچنە دەرەوە لەوێ.

 

ئەمڕۆ پەروین بوڵدان، لە کۆبوونەوەی فراکسیۆنی هەدەپە لە پەرلەمانی تورکیادا قسەیکرد، کە بە بۆنەی ٨ی مارسەوە بەڕێوەچوو، تێیدا نوێنەرانی ڕێکخراوەکانی ژنان لە کوردستان و تورکیا و دایکانی ئاشتی و دایکانی شەممە ئامادەبوون.

 

لە سەرەتای قسەکانیدا سڵاوی نارد بۆ فیگەین یوکسەکداغ، هاوسەرۆکی پێشووی هەدەپە و سەباحەت تونجەل، هاوسەرۆکی دەبەپە و گولتان کشاناک، هاوسەرۆکی شارەوانیی ئامەد، کە ئێستا لە زینداندان.

 

لە بەردەوامیدا بەرخۆدانی عەفرینی بەرز نرخاند و، وتی: جیهان بینی کە ژنان چۆن لە شەنگال، موسڵ و ڕۆژئاوا لە دژی دڕندەیی داعشدا بەرخۆدانیان کرد، دەترسن ببینن کە بەرخۆدانی ژن لە ڕۆژهەڵاتی ناوەڕاستدا سەربکەوێت، تێکۆشانی ژن لە سەرتاسەری ڕۆژهەڵاتی ناوەڕاستدا بڵاودەبێتەوە، ژنان لە ڕۆژئاوای کوردستان مێژوویەکی نوێیان بۆ ژنان نووسییەوە، هۆکاری ترسی ئەوانیش هەر ئەوەیە.

 

لە بەردەوامی قسەکانیدا وتی: دەڵێن بە مەبەستی پاراستنی ئاسایشی سنوورەکانیان چوونەتە عەفرین، ئەوە لە کاتێکدایە کە ئاسایشی منداڵێکی کچ یان ژنێکیان لە ناوخۆی سنوورەکانی خۆیاندا بۆ ناپارێزرێت، عەفرین هی خەڵکی عەفرینە، چ کارێکتان لە عەفرین هەیە؟ لەوێ بچنە دەرەوە، خەڵک لە عەفرین بە ئاشتیانە دەژیان، چوونتان بۆ عەفرین چ واتایەکی هەیە؟.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin