Smiley face
Smiley face
Smiley face

فواد مەعسوم: هەوڵی بەپەلە دەدەین بۆ کۆتایهێنان بە مەینەتیی ژنانی عێراق

2018-03-08 09:47:22



ڕۆژنیوز – ناوەندی هەواڵەکان

 

سەرۆک کۆماری عێراق وێڕای پیرۆزبایی ٨ی مارس لە ژنانی عێراق ڕایدەگەیەنێت یادی ئەمساڵ هاوکاتە لەگەڵ بەشداریکردنی قارەمانانەی بەرچاوی ژنان لە سەرکەوتنی گەلەکەمان بەسەر تێرۆر، ئاماژەش بۆ ئەوە دەکات هەوڵی بەپەلە دەدەن بۆ کۆتایهێنان بە مەینەتیی ژنانی عێراق.

 

درەنگانی شەوی ڕابردوو، سەرۆک کۆماری عێراق فواد مەعسوم، بەبۆنەی ٨ی مارس ڕۆژی جیهانی ژنانەوە ڕاگەیەندراوێکی بڵاوکردەوە.

 

لە ڕاگەیەندراوەکەدا هاتووە: یادی ئەمساڵ هاوکاتە لەگەڵ بەشداریکردنی قارەمانانەی بەرچاوی ژنان لە سەرکەوتنی گەلەکەمان بەسەر تێرۆر و بەردەوامییان لە پەروەردەکردنی نەوەکان لەسەر پێودانگی نیشتمانیی و مرۆیی، کە پێویست دەکات رێزیان لێ بنرێت و قانونی پێویستی وایان بۆ دەربکرێت، کە پارێزگاری لە مافەکانیان بکات و رۆڵی سەرەکییان بەهێز بکات لە سەرلەنوێ ئاوەدانکردنەوە و بنیاتنانی دەوڵەتی هاوڵاتیبون و دامەزراوەیی.

 

بۆ کۆتاییهێنان بە مەینەتییەکانی ژنان فواد مەعسوم، دەلێت: دووپاتکردنەوەمان نوێ دەکەینەوە بۆ پێویستیی خستنەکاری هەوڵی چڕتر و بەپەلە بۆ کۆتایی هێنان بە مەینەتیی ژنانی عێراق، ئەوانەی کە روبەڕوی دیلێتی و رفاندن یەخسیریی بونەتەوە لەسەردەستی تێرۆریستان و تا ئێستا بەدەست بارودۆخی ئاوارەیی و راگوێزان و دەربەدەریی و بەشخوراویی یەوە دەناڵێنن، هیوادارین بەم زوانە کۆتایی بێت بەم هەموو مەینەتییە.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin