Smiley face
Smiley face
Smiley face

منداڵە ئاوارەکان سرودێکیان پێشکەشی منداڵانی عەفرین کرد

2018-03-08 10:45:37



ڕۆژنیوز - مەخمور

 

منداڵە ئاوارەکانی کامپی پەنابەرانی شەهید ڕوستەم جودی لە مەخمور، سرودێکیان پێشکەشی بەرخۆدانی سەردەم لە عەفرین و هەموو منداڵانی عەفرین کرد.

 

ئێوارەی دوێنێ لە کامپی پەنابەرانی مەخمور دەستەی منداڵانی وەقفی ژنانی کامپەکە سرودێکیان بە ناوی "چڵە زەیتوون" پێشکەشی منداڵانی عەفرین کرد.

 

چیدەم ئۆرەن، نووسەری سروودەکە لە بارەی سرودەکەوە بۆ ڕژنیوز دوا و، وتی: دەستەیەکی منداڵان لە ژێر چاودێری وەقفی ژنانی کامپەکەدا پەروەردەی هونەری دەبینن، ناوی دەستەکە شەهید دەلیلایە، کاتێک سەیری ڤیدیۆکانی هێڕشی سەر عەفرینم دەکرد، ژمارەیەکی زۆر منداڵی قوربانیم بینی، ئێشی ئەو دایکانەی منداڵەکانیان لە دەستدابوو لە پێش چاوم لانەدەچوو، زۆر هەستیار بووم بەو دیمەنانە، هەر ئەوەش وایکرد سرودێک بنووسم بەناوی چڵە زەیتوون.

 

مامۆستا ئاخین کابولیش وتی: دڵی منداڵان و گەنجانی مەخمور بەردەوام لای منداڵانی عەفرینە، عەفرین بە تەنیا نییە، ئەو سرودە پێشکەش دەکەینە خونچەکانی عەفرین و باوەڕمان وایە کە بەرخۆدان سەردەکەوێت.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin