Smiley face
Smiley face
Smiley face

پەرلەمانتارێکی سوید: مەترسی قڕکردن لە سەر عەفرین هەیە

2018-03-08 11:43:40



ڕۆژنیوز - ناوەندی هەواڵەکان

 

جەبار ئەمین، پەرلەمانتاری پارتی سەوزی سوید دەڵێت، کە حکومەتی تورک و چەتەکانی داعش ئامادەن لە عەفرین کۆمەڵکوژی ئەنجام بدەن و مەترسی قڕکردن لە سەر عەفرین هەیە.

 

جەبار ئەمین کە چەند ڕۆژێک پێشتا چووبووە عەفرین و لە نزیکەوە تاوانە جەنگییەکانی حکومەتی تورک و چەتەکانیی لە دژی خەڵکی عەفرین بینیبوو، لە بارەی دۆخی عەفرینەوە بۆ ئاژانسی هەواڵی فورات دواوە.

 

جەبار ئەمین دەڵێت: خەڵکی عەفرین بەبڕیارن بۆ ئەوەی بەرگری بکەن لە خاکەکەیان و هێرشەکە تێک بشکێنن، دەڵێن بست بە بستی خاکەکەیان دەپارێزن، ئەوە دڵی مرۆڤ خۆش دەکات، کورد و عەرەب و تورکمان و موسڵمان و کریستیانی هەموویان بەرگری دەکەن لە عەفرین.

 

لە بەردەوامیدا بەم شێوەیە چاودێرەییەکانی لە عەفرین دەگێڕێتەوە: زۆر خەمگینم بۆ کوشتاری هاوڵاتیانی مەدەنی لە عەرفرین، زیاتر لە ١٩٠ هاوڵاتی مەدەنی کوژرابوون، کە بەشێکی زۆریان منداڵن، حکومەتی تورک بە هەموو جۆرە تەکنۆلجیاییەکی شەڕەوە هێڕش دەکاتە سەر عەفرین، هەموو شوێنەوارە مێژووییەکانی کردووەتە ئامانج، چەکی کیمیاوی لە دژی هاوڵاتیان بە کار هێناوە و تاکە چارەسەریی کۆتاییهێنانی بەپەلە بەو شەڕەیە، دەبێت هێرشی حکومەتی تورک بوەستێندرێت، نەتەوە یەکگرتووەکان، ئەمریکا، ڕوسیا و وڵاتانی دیکە ناوتوانن لەوە زیاتر بێدەنگ بن.

 

وتیشی: سەرەڕای ڕاگەیاندنی ئاگربەست لەلایەن ئەنجومەنی ئاسایشی نەتەوە یەکگرتووەکانەوە، سوپای تورک بۆمبی لە دووریی ١٠٠ مەتری نەخۆشخانە داوە، ئەوە تاوانێکە لە دژی مرۆڤایەتی، ئەگەر هێرشی سەر عەفرین نەوەستێندرێت، کۆمەڵکوژی لەوێدا ڕوودەدات و مەترسیی قڕکردنی عەفرین هەیە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin