Smiley face
Smiley face
Smiley face

تاران، هێزە ئەمنییەکان ژمارەیەکی زۆری ژنانیان دەستگیرکرد

2018-03-08 13:38:01



ڕۆژنیوز - ناوەندی هەواڵەکان

 

پۆلیس و هێزە ئەمنییەکانی ئێڕان، لە تارانی پایتەخت هەموو شەقامەکانی دەوروبەری وەزارەتی کاریان قۆڕخکرد، ژمارەیەکی زۆر لە ژنانیان دەستگیرکرد و لە هەندێکشیان دا.

 

ئەمڕۆ وابڕیاربوو ژنانی ئێرانی بەبۆنەی ٨ی مارسەوە لە بەردەم وەارەتی کاری ئێران لە شەقامی ئازادیی تاراندا گردببنەوە، بەلام هێزەکانی پۆلیس پێشوەخت هێرشیان کردە سەر خۆپیشاندەران.

 

بەگوێڕەی ئەو زانیارییانە لە تارانەوە بە دەست گەیشتوون، هێزەکانی پۆلیس شەقامەکانی دەوروبەی وەزارەتی کاریان قۆرخکردووەو هەر ژنێکیان دیبیت دەستگیریان کردووە.

 

هەروەها ڕاگەیەندراوە، کە تەنانەت ژنانی بەساڵداچوو کە بۆ پیاسەی دەمەو بەیانی لە دەرەوە بوون دەستگیرکراون.

 

وابڕیاربوو ئەمڕۆ ژنان لە بەردەم وەزارەتی کار گردببنەوە و بەبۆنەی ٨ی مارسەوە خۆپیشاندانی ناڕەزایی ئەنجام بدەن، هەروەها پێشتر ڕاگەیەندرابوو، کە ژنان دەیانەوێت بە کۆمەڵ سەرپۆشەکانیان لاببەن، ئەوەش ترسی گەورەی خستووەتە دڵی حکومەتی ئێڕانەوە، بۆیەشە سەرکوتەکانی لە دژی ژنان تا ئەم ئاستە بەرفراوان کردووەتەوە.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin