Smiley face
Smiley face
Smiley face

لە گەرمیان زنجیرەیەک چالاکی بۆ ٨ی مارس بەڕێوەچوو

2018-03-08 20:04:52



ڕژنیوز - هاوڕێ و بۆتان

 

بە بۆنەی ٨ی مارس، ڕۆژی جیهانیی ژنان-ەوە، زنجیرەیەک چالاکیی لە سنوری ئیدارەی گەرمیان بەڕێوەچوو.

 

ئەمڕۆ، لە شارۆچکەی کەلاری ناوەندی ئیدارەی گەرمیان و شارەدێی ڕزگاری سەر بە شارۆچکەی کەلار، هاوشێوەی شار و شارۆچکەکانی دیکەی باشوری کوردستان، زنجیرەیەک چالاکیی بۆ ٨ی مارس بەڕێوەچوو.

 

کاتژمێر ١٠:٠٠ سەرلەبەیانی، گروپی کچانی دەستڕەنگین، یەکەم پێشانگای کاری دەستیی خۆیان لە ناو پارکی لەیلا قاسم لە شارۆچکەی کەلار کردەوە و تێدا بەرهەمی کاری دەستیی ژمارەیەک ژن نمایشکران و تا کاتژمێر ٠٥:٠٠ی ئێوارە بەردەوامبوو.

 

 

هەر کاتژمێر ١٠:٠٠ی سەر لەبەیانی، ڕێکخراوی وادی ئەڵمانی، ١٠٦ نەمامی لە گوندی گۆبان لە سنوری شارەدێی ڕزگاری سەر بە شارۆچکەی کەلار ناشت.

 

کاتژمێر ١٠:٣٠ لە شارەدێی ڕزگاری سەر بە شارۆچکەی کەلار، بەڕێوەبەرایەتی فەرمانگەی ژینگەی گەرمیان و سەرۆکایەتی شارەوانی ڕزگاری، ٢٠٠ نەمامی جۆری ئەلبیزایان، لە نێو پارکی ژیان لە شارەدێکە ناشت.

 

 

کاتژمێر ٠٢:٣٠ خولەکی دوانیوەڕۆ، ماڵی گەنجانی کەلار، چەند بەرهەمێکی گروپی دەفی کچانی سەرنتەرەکەیان لە پارکی لەیلا قاسم پێشکەش بە ئامادەبووان کرد.

 

 

هەر لەدرێژەی چالاکییەکانی ٨ی مارسدا، ڕێکخراوی وادی ئەڵمانی لە بینای  پەیمانگای قەڵای ناحکومی، کاتژمێر ٠٣:٣٠ ی دوانیوەڕۆ، ژمارەیەک چالاکی ئەنجامدا، کە تیایدا سیمینارێک لەسەر یاسای ژمارە ٨ ی بەرەنگاربوونەوەی تووندوتیژی خێزانی و جۆرەکانی توندوتیژی کە بەرامبەر بەژنان دەکرێت و مێژووی دروستبوونی ٨ی مارس بەڕێوەچوو.

 

 

هەر لەو چالاکییانەدا، خوێندکارانی ژنی پەیمانگاکە، بەچەندین کاری دەستیی و چنین و تابلۆ بەشدارییان کرد.

 

لەلایەکی دیکەشەوە، کاتژمێر ٠١:٣٠  خولەکی دوانیوەڕۆ، مناڵپارێزی کوردستان، لە هۆڵی لەشجوانی سەنتەری گەنجانی دەربەندیخان، سیمینارێکی تەندروستییان بۆ د.سازان ئیبراهیم ڕێکخست و کۆڕێکی شیعرییان بۆ  شاعیر شەم حمە قادر سازکرد و خەڵاتی ڕێزلێنان بەخشرایە ژمارەیەک ژنانی وەرزشوان لە هوڵی لەشجوانی سەنتەری گەنجانی دەربەندیخان.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin