Smiley face
Smiley face
Smiley face

ئاهه‌نگى ٨ى مارس له‌ بنارى قه‌ندیل کۆتایى هات... به‌ وێنه‌

2018-03-09 15:45:06



ڕۆژنیوز ــ عه‌لی قادر 


ئاهه‌نگى ٨ى مارس که‌ له‌ بنارى قه‌ندیل و به‌ ده‌ستپێشخه‌رى ڕێکخراوى ژنانى ئازادى کوردستان-ڕژاک ڕێکخرابوو، کۆتایى هات.


ئێواره‌ى ئه‌مڕۆ له‌ گوندی بۆکریسکان له‌ بناری قه‌ندیل ئاهه‌نگى ٨ى مارس کۆتایى هات، که‌ به‌ بۆنه‌ى ڕۆژى جیهانیى ژنانه‌وه‌ ڕێکخرابوو.


سه‌ره‌تای ئاهه‌نگه‌که‌ به‌م شێوه‌یه‌ بوو، به‌ خوله‌کێک ڕێزگرتن بۆ گیانبه‌ختکردوانی ڕێگای ئازادیی، دواتر گوڵاڵه‌ عوسمان هاوسه‌رۆکی شاره‌وانی بناری قه‌ندیل وته‌یه‌کى پێشکه‌شکرد و وتى: لێره‌وه‌ په‌یامم بۆ هه‌موو گه‌لی کورد ئه‌وه‌یه‌، که‌ پیلانێکی چه‌په‌ڵ و گڵاو له‌ ئارادایه‌ دژی گه‌لی کورد له‌ هه‌ر چوار لای وڵات، پێویسته‌ له‌م ڕۆژه‌دا که‌ ڕۆژی جیهانیی ژنانه‌ با به‌ هه‌موومان به‌ تایبه‌ت ژنانی تێکۆشه‌ری کورد و ئازادیخواز به‌ یه‌ک ده‌نگ و به‌ یه‌کگرتوویی کاروانی سه‌رکه‌وتنی گه‌لی کورد بگه‌یه‌نینه‌ ئامانج.

 


 وتیشی: ئه‌مڕۆ به‌ پێشه‌نگایه‌تی ژنان له‌ شه‌نگال و ڕۆژئاوای کوردستان ژنان ڕۆڵی سه‌ره‌کی ده‌بینن له‌ خه‌بات و تێکۆشان له‌ هه‌موو بواره‌کان، ئه‌مه‌ش له‌ سایه‌ی فکر و فه‌لسه‌فه‌ی ڕێبه‌ر ئاپۆیه‌، لێره‌وه‌ جارێکیتر بانگ له‌ هه‌موو گه‌لانی ئازادیخواز به‌ تایبه‌تی گه‌لی کورد ده‌که‌م، که‌ بۆ ئازادیی ڕێبه‌ر ئاپۆ بکه‌ونه‌ مه‌یدانه‌کان و خه‌بات و چالاکیه‌کان به‌هێزتر بکه‌ن.


پاشان په‌یامی ڕێکخراوی ژنانی ئازادی کوردستان له‌ لایه‌ن داستان مه‌عروف ئه‌ندامى ڕێکخراوه‌که‌ خوێندرایه‌وه‌، له‌ په‌یامه‌که‌دا هاتبوو: وه‌ک ڕێکخراوی ژنانی ئازادی کوردستان بانگه‌وازیمان له‌ هه‌موو ژنان له‌ هه‌ر چوار به‌شی کوردستان و به‌تایبه‌تی له‌ باشوری کوردستان ئه‌وه‌یه‌ که‌ ڕۆژی ٨ی ئادار بکه‌ینه‌ فاکته‌رێک بۆ به‌هێزکردنی تێکۆشانی ئازادیخوازیمان.

 


ئه‌وه‌ش هاتبوو: بتوانین هه‌م له‌ بواری ڕه‌گه‌زی و هه‌م له‌ بوارى نه‌ته‌وه‌یی شان به‌ شانی یه‌ک له‌پێناو کۆمه‌ڵگایه‌کی به‌ڕێکخستنکراو، ناسنامه‌یه‌کی ئازاد هه‌نگاو، هه‌ڵبگرین و ئه‌رکی پێشه‌نگایه‌تیمان پێکبێنین.


دواى ئه‌وه‌ شیرین حه‌سه‌ن نوێنه‌ری ژنانی ڕۆژئاوا قسه‌ی کرد و وتی: گه‌لی عه‌فرین له‌ منداڵێکی هه‌شت ساڵی تاوه‌کو هه‌شتا ساڵی شان به‌ شانی شه‌ڕڤانان له‌ دژی داگیرکه‌ریی تورک شه‌ڕده‌که‌ن.

 


باسى له‌وه‌ش کرد: ئێمه‌ خۆمان به‌ شاگردی ڕێبه‌ر ئاپۆ ده‌زانین، هه‌ربۆیه‌ تاوه‌کو کۆتا دڵۆپی خوێنمان له‌ دژی داگیرکه‌ران ده‌جه‌نگین و عه‌فرین ناکه‌وێت، عه‌فرین سه‌رده‌که‌وێت و سه‌رکه‌وتن هه‌ر بۆ ئێمه‌یه‌.


هه‌ر له‌ ئاهه‌نگه‌که‌دا کۆما میوزیکی سه‌رحه‌د و کۆما ئامارا و که‌وانه‌ی زێڕین به‌ مۆسیقا و گۆرانی به‌شدار بوون و چه‌ندین گۆرانى شۆڕشگێڕیى و نیشتیمانیان پێشکه‌ش کرد، له‌گه‌ڵ پێشکه‌شکردنی هه‌ڵپه‌ڕکێی کوردیی.


دواى نزیکه‌ى پێنج کاتژمێر کۆتایى به‌ ئاهه‌نگه‌که‌ هات.

 


ک.ک
 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin