Smiley face
Smiley face
Smiley face

"ده‌بێت هه‌موو ڕۆژێک بکرێته‌ ڕۆژى تێکۆشانى ژنان"

2018-03-10 10:31:58



ڕۆژنیوز - محه‌مه‌د حه‌سه‌ن


ژنان باس له‌وه‌ ده‌که‌ن، نه‌ک ته‌نها ٨ى مارس، به‌ڵکو هه‌موو ڕۆژێک ده‌بێت ببێته‌ ڕۆژى تێکۆشانى ژنان.


ژنانى کورد به‌ شێوه‌یه‌کى فراوان یادى ٨ى مارسیان کرده‌وه‌ و به‌شێک له‌ ژنانیش له‌ باره‌ى به‌رده‌وامى تێکۆشانى ژنان بۆ ڕۆژنیوز ده‌دوێن.


هه‌ڵاڵه‌ شه‌وکه‌ت شاعیر ده‌ڵێت: ئه‌وه‌ی ده‌که‌وێته‌ سه‌ر شانی ئێمه‌ ئه‌وه‌یه‌ که‌ ببینه‌ درێژه‌ پێده‌ری ڕێگای شه‌هیدانى ئازادیى و نه‌ک ته‌نها ٨ى مارس به‌ڵکو هه‌موو ڕۆژێک تێکۆشان بکه‌ین.

 


باس له‌وه‌ش ده‌کات: ده‌بینین ژنانی گه‌ریلا له‌ چیا سه‌رکه‌شه‌کانی کوردستانه‌وه‌ خه‌بات ده‌که‌ن، ئه‌وه‌ش جێگای شانازیه‌ بۆ هه‌موو ژنێکی ئازادیخواز، ژن ده‌توانێ وه‌ک ڕۆژ بێت، به‌ ڕووناکی خۆی وڵات ئاوه‌دان بکاته‌وه‌.


به‌رماڵ چه‌م گه‌ریلای هونه‌رمه‌ند باس له‌وه‌ ده‌کات: ئه‌مڕۆ ئه‌و فکره‌ی که‌ وایکردووه‌ ژنان له‌ هه‌مو شوێنێک له‌سه‌ر پێیان بن بێگومان فه‌لسه‌فه‌ی ڕێبه‌ر ئاپۆیه‌، ته‌نیا نابێت ڕۆژێک ته‌رخان بکه‌ین بۆ ڕۆژی ژنان، به‌ڵکو هه‌موو ڕۆژێک و له‌ هه‌موو شوێنێک ده‌بێ ببێته‌ گۆڕه‌پانی تێکۆشان له‌ دژی ده‌سه‌ڵاتدارێتی و چه‌وسانه‌وه‌.

 


به‌رماڵ که‌ به‌ سترانه‌ شۆڕشگێڕییه‌کانى ناسراوه‌، ده‌ڵێت: ئێمه‌ وه‌ک هونه‌رمه‌ندان ئه‌وه‌ی له‌ توانماندا بێت به‌ گۆرانی و هه‌ڵبه‌سته‌کانی خۆمان، پشتگیری له‌ شۆڕشی عه‌فرین ده‌که‌ین، چونکه‌ دوێنێ ئارین و ئه‌مڕۆش ئاڤێستانکانن که‌ به‌ گیانبازی خۆیان له‌ به‌رامبه‌ر به‌ داگیرکاری و فاشیزم خۆیان کرده‌ قه‌ڵغان بۆ پاراستنی مرۆڤایه‌تی.


هه‌روه‌ها دیلبه‌ر حه‌سه‌ن هونه‌رمه‌ندی ڕۆژئاوای کوردستان دەڵێت: ئه‌ردۆغانیش دڵنیا ده‌که‌ینه‌وه‌ که‌ شکانی له‌سه‌ر ده‌ستی ژنانی کورد دێته‌ ئاراوه‌.

 


ئه‌وه‌شى وت: ده‌بێ ژنان و گه‌نجی کورد به‌ به‌شداریان بۆ ناو ڕیزه‌کانی شه‌ڕڤانان، په‌یامێک به‌ دوژمنان و به‌ تایبه‌ت ئه‌ردۆغان بده‌ن که‌ کورد کوردی جاران نییه‌ و هیچ کات کۆیله‌داری قبوڵ ناکات و له‌ به‌رامبه‌ر به‌ داگیرکه‌ران ده‌وستنه‌وه‌.


ک.ک
 

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin