Smiley face
Smiley face
Smiley face

"ژنانی جیهان دەتوانن سود لە ڕۆڵی ژنان لە ڕۆژئاوادا ببینن"

2018-03-10 10:39:33



ڕۆژنیوز- هاوكار مستەفا

 

ژنە چالاكوانێك كە سەردانی شاری عەفرینی كردووە، باس لە ئیرادەی ژنانی ڕۆژئاوای كوردستان دەكات و دەلێت، دەکرێت نەک ژنانی باشوری کوردستان، بەڵکو ژنانی جیهانیش سوود لە ئەزموونی ژنانی ڕۆژئاوا ببینن.

 

ئاشتی عەبدوڵا، سەرۆكی ئەنستیتیوتی وۆرك، لەم مانگەدا لە شاری عەفرین گەڕاوەتەوە و باس لە ڕۆڵی ژنان دەکات لە بەرخۆدانی عفریندا هەیە و بۆ ڕۆژنیوز دەدوێت.

 

ئاشتی عەبدوڵا، وتی: ژنانی ڕۆژئاوا تەنها لە شەڕی داگیركەرانی تورك بۆ سەر شاری عەفرین بەرخودانیان نەكردووە، بەڵكو لە شەڕی چەتەكانی داعشیشدا بەتایبەت لەكاتی شەڕی كۆبانێدا ڕۆڵێكی سەرەكیان بینیوە و ئێستەش لە عەفرین هەمان ڕۆڵیان هەیە، ئەمەش وایكرد كە ژنانی ڕۆژئاوا ببنە جێگەی سەرنجی میدیا جیهانییەكان و سمبولی ژنانی جیهان.

 

ئاماژەی بەوەشكرد، ئەوەی لە عەفرین ڕوودەدات، بە تەواویی لە شۆڕشی ژنانی ڕۆژئاوا ڕەنگیداوەتەوە لە جومگە جیاوازەكانی ژیاندا، چ لەڕووی سەربازییەوە بێت یاخود لە ڕووی ئیداری و كار گێڕییەوە، هەروەها دایكەكان بە جۆرێك پەروەردە كراون كە بەرگریكردن لە نیشتیمان لە هەموو شتێك زیاتر پیرۆز بێت، دایكی شەهیێک لە دڵەوە ئەوەی پێوتین كە "شەرەفی ژن لە جەستەیدا نییە، بەڵكو لەبەرگریكردنیدایە لە خاكەكەی".

 

ئاشتی عەبدوڵا، باسی لەوەشكرد: ژنانی ڕۆژئاوا هێندە پێشكەوتنیان بەخۆیانەوە بینیوە، كە دەكرێت ئێمەی ژنانی باشوور و تەنانەت ژنانی جیهانیش سوود لەو ئەزمونەی ژنانی ڕۆژئاوا وەربگرین.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin