Smiley face
Smiley face
Smiley face

سەحەری دەمیرتاش لە ڕۆژهەڵاتی کوردستان بووە بە پڕفرۆشترین کتێب

2018-03-10 13:12:12



ڕۆژنیوز - سنە

 

حەوتەمین خولی پیشانگای نێودەوڵەتیی کتێبی سنە لە ڕۆژهەڵاتی کوردستان کۆتایی پێهات، تێیدا کتێبی کۆمەڵە چیرۆکی سەحەر لە نووسینی سەلاحەدین دەمیرتاش بووە پڕفرۆشترین کتێب.

 

ڕۆژی ٤ی ئازار پیشانگای نێودەوڵەتی کتێب لە سنە دەستیپێکرد، دوێنێ ئەو پیشانگایە کۆتایی پێهات، لە هەموو ئەو کتێبانەی نمایشکران کتێبی سەحەر زیاتر لە هەمووان فرۆشرا.

 

ڕاگەیەندراوە، کە ٥٠٠ کتێب لە سەحەر فرۆشراوە و بەم شێوەیە بووە بە پڕفرۆشترین کتێبی پیشانگاکە.

 

جێگای ئاماژەیە، کتێبی سەحەری سەلاحەدین دەمیرتاش، کۆمەڵە چیرۆکێکە کە لە زیندان نووسیویەتی و پاش بڵاوبووەنەوەی لە باکوری کوردستان و تورکیا بوو بە یەکێک لە پڕفرۆشترین کتێبەکانی ساڵ، ئەوەش وایکرد، کە بڵاوبوونەوەی لە تورکیا قەدەغە بکرێت.

 

ماوەیەک پێش ئێستا، ناوەندی بڵاوکردنەوەی غەزەلنووس لەشاری سلێمانی، وەرگێڕانی سۆرانی سەحەری بڵاوکردەوەو هەر ئەو ناوەندەش کتێبەکەی لە پیشانگای نێودەوڵەتیی سنەدا بڵاوکردووەتەوە.

 

جێگای ئاماژەیە، کە فەرهاد چۆمانی سەحەری لە تورکیەووە کردووە بە کوردیی سۆرانی.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin