Smiley face
Smiley face
Smiley face

وەزیری ڕۆشنبیری: ئەگەر دراما توركییەكان دژی بەرژەوەندی نەتەوەكەم بێت ڕێی لێدەگرم

2018-03-10 15:27:31



ڕۆژنیوز – سلێمانی

 

وەزیری ڕۆشنبیری حكومەتی هەرێمی كوردستان لەبارەی بایكۆتكردنی دراما توركییەكانەوە دەڵێت، كە ئەو وەك هونەر سەیری دراماكان دەكات، دەشڵێت، ئەگەر ئەو درامایانە زیانیان بۆ بەرژەوەندی نەتەوەیی هەبێت ڕێگرییان لێدەكات.

 

ئەمڕۆ دیدارێك بۆ ڕێكخستی فیلم و دراما و سینەما لەشاری سلێمانی بەڕێوەچوو، كە تێدا خالد دۆسكی وەزیری ڕۆشنبیری و لاوان و چەندین هونەرمەند و سینەماكار تێیدا بەشدار بوون، لە میانەی كۆنگرەیەكی ڕۆژنامەنووسیدا وەزیری ڕۆشنبیری و لاوان، باسی لە دیدارەوە و كاریگەری دراما بیانییەكان كرد.

 

خالد دۆسكی، تیشكی خستە سەر كێشەكانی وەزارەتەکەی لەبارەی ڕێكخستنی دراما م فیلم  و سینەما و، وتی:"هیچ ڕێوشوێنێك و هیچ یاسایەك و هیچ ڕێنماییەك نییە لە وەزارەتی ڕۆشنبیری بۆ ئەوەی لەبواری بەرهەمهێنان و بڵاوكردنەوەی فیلم و دراما و فیلمی سینەمایی كاری لەسەر بكەین، ئەوەی كە پێشتر كراوە بە پەیوەندی شەخسی و بە میزاج و بە حەز بووە، كاری زۆر باش كراوە و خزمەتیش كراوە، بەڵام لە پەنای ئەوەدا كاری خراپیش کراوە".

 

لە بارە پێویستی ڕاگرتنی دراما توركییەكان لە كەناڵە كوردییەكانەوە، ناوبراو، وتی:"وەك وەزارەت هیچ بڕیارێكمان نییە لەسەر ڕاگرتنی دراما توركییەكان، ئەوەی كە هەیە هەوڵی تاكەكەسە یان لەسەر ئاستی كەناڵێكە، من وەك هونەر سەیری دراما توركیەكان دەكەم، هەر هونەرێك لە بەرژەوەندی وڵاتەكەم بدات ئێمە دژی دەبین و ڕێی لێدەگرین".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin