Smiley face
Smiley face
Smiley face

هەڵوێستی نەتەوەیی بۆ عەفرین ڕاگەیەندرا

2018-03-12 10:23:48



ڕۆژنیوز - ناوەندی هەواڵەکان

 

پلاتفۆرمی هەڵوێستی نەتەوەیی بۆ عەفرین کە بە بەشداربوونی ٦٠٠ ڕێکخراو، ڕشنبیر و کەسایەتی و نوێنەری حزب بەڕێووەچوو، هەڵوێستی خۆی لە ١٢ بەنددا ڕاگەیاند.

 

دوێنێ لە شاری دەنهاخی هۆڵەندا بە پێشەنگایەتیی کۆنگرەی نەتەوەیی کوردستان و کۆمیتەی پشتگیریکردنی لە عەفرین، پلاتفۆرمێک بە دروشمی "هەڵوێستی نەتەوەیی بۆ عەفرین" ڕێکخرا و ئەنجام نامەکەی ئەمڕۆ راگەیەندرا.

 

لە ئەنجام نامەکەدا هاتووە: ئێمە وەک نوێنەری دەیان حزب و ڕێکخراو و وەک کەسایەتییە سەربەخۆکان، کە خۆمان وەک دەنگی وژیدانی نەتەوەیی دەبینین، بۆ پشتگیریکردنی عەفرین لە هۆڵەندا کۆبووینەتەوە و ئەم بانگەوازییە ئاراستەی ڕایگشتی دەکەین.

 

لە بەردەوامیی ئەنجامنانمەکەدا هاتووە: نەتەوەی کورد دەتوانێت عەفرین بگەیەنێتە ئاستی سەرکەوتن، بۆ ئەوە پێویستە هەموو حزبە سیاسی و ڕێکخراوەکانی کۆمەڵگەی مەدەنی لە سەر بنەمای بەرژەوەندییە نەتەوەیی و نیشتمانییەکان یەکبگرن و یەکێتییەکی گەورەی پێکبێنن، ئەوەی لەم ڕۆژە هەستیارانەدا بۆ عەفرین پێویستە یەکێتییە، گەلی کورد و خەڵکی کوردستان دەبێت ئەم داواکارییەی عەفرین جێبەجێبکەن و بە هانای عەفرینەوە بچن.

 

لە بەردەوامیدا ١٢ بەندی ئەنجامنامەکە بەمشێوەیە ڕاگەیەندراوە:

 

١-ناکۆکی ناوخۆیی کوردستان سەنگەرەکانی بەرگری لە دەستکەوتەکانی گەلی کورد لاوازدەکات و ڕێگا خۆش دەکات بۆ بەرەی دوژمن، ئەوە لەم دواییانەدا لە کەرکوک، خانەقین و شەنگال ڕوویدا، بەڵام یەکگرتنی نەتەوەیی هێرشەکانی دوژمن تێکدەشکێنێت.

 

٢-دەبێت هاوڵاتیانی کوردی دەرەوەی وڵات خۆیان رێکبخەن و دژی هێرشی حکومەتی تورک بۆ سەر عەفرین بوەستنەوە.

 

٣-دەبێت گرنگی زۆر بدرێت بە ئاگربەستی ئەنجومەنی ئاسایشی نەتەوە یەکگرتووەکان لە سوریادا، بۆ ئەوەی هێرشەکانی سەر عەفرین بوەستێندرێت.

 

٤-دەبێت نەتەوە یەکگرتووەکان خاوەنداری بکات لە بڕیارەکەی و لە ڕووی پراتیکەوە ئەو بڕیارە جێبەجێ بکرێت.

 

٥-ئەمریکا، ناتۆ، یەکێتی ئەوروپا و هاوپەیمانانی نێودەوڵەتیی دژی داعش، دەبێت بە شێوەیەکی چالاک لە سەر پرسی عەفرین بوەستن و هەڵوێست پیشان بدەن لە دژی تورکیادا.

 

٦-پێویستە ڕوسیا سیاسەتی خۆی لە بارەی عەفریند ابگۆڕێت و ئاسمانی عەفرین بە سەر فڕۆکە جەنگییەکانی تورکیادا دابخات.

 

٧-پێویستە حکومەتی سوریا لە دژی داگیرکاریی تورکیا بۆ سەر خاکی سوریادا هەڵوێست پیشان بدات و لەگەڵ بەڕێوبەرایەتیی کانتۆنی عەفرین پەیمان ببەستێت و لەگەڵ خەڵک و  هێزەکانی پاراستنی عەفرین بەرگری بکات لە عەفرین.

 

٨-دەبێت کۆمکاری عەرەبی هێرشی تورکیا بۆ سەر عەفرین و سوریا شەرمەزاربکات و بۆ دەرکردنی هێزەکانی تورکیا لە عەفرین لە ڕووی پراکتیکەوە کار بکات.

 

٩-حکومەتی تورک بە سیاسەتە شەڕخوازانەکانیانەوە شەڕی دژی داعش لاوازدەکات و ئاشتی و ئارامی ڕۆژهەڵاتی ناوەڕاست دەخاتە مەترسییەوە، بۆیە دەبێت لە دژی شەڕخوازییەکانی تورکیادا هەڵوێستێگی بەهێزی هاوبەش پیشان بدرێت.

 

١٠-نەتەوە یەکگرتووەکان لە بارەی کۆمەڵکوژیی حکومەتی تورک لە جزیر و شارەکانی باکوری کوردستان بێدەنگی هەڵبژارد، ئەو هێزە تایبەتانەی لە جزیر خەڵکیان کۆمەڵکوژکر کرد نێڕدراون بۆ عەفرین و لەوێ هەموو جۆرە تاوانێک ئەنجام دەدەن، بۆیە دەبێت نەتەوە یەکگرتووەکان لە بارەی عەفرینەوە هەستیاربێت و بە خێراترین کات بڕیاری لە سەر بدات بۆ ئەوەی عەفرین نەبێتە جزیر.

 

١١-جارێکی دیکە هەڵوێستی نەتەوەی و نیشتمان بۆ عەفرین دەردەبڕین و ڕادەگیەنین، کە عەفرین کوررستانە، پاراستنی عەفرین پاراستنی هەمووی کوردستانە و ئێمە بە هەموو هێزمانەوە پشتگیریی بەرخۆدانی عەفرین دەکەین.

 

١٢-بانگەوازیی دۆستانی گەلی کورد هەموو هێزە دەیمکراتەکانی جیهان دەکەین، کە بەردەوام بن لەو هەڵوێستەی تا ئێستا پیشانیان داوە، عەفرین پێویستیی بە پشتگیریی هەیە.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin