Smiley face
Smiley face
Smiley face

پێشمەرگە دێرینەکان داوای بایکۆتکردنی شتومەکی تورکی دەکەن

2018-03-14 07:59:38



ڕۆژنیوز- سەمیرا شەهابی

 

پێشمەرگە دێرینەکانی هەرێمی کوردستان، هێرشەکانی سەر عەفرین بە مەترسیی بۆ سەر باشوری کوردستان-یش ناودەبەن و دەشڵێن: شەرمەزارییە لە عەفرین خەڵک دەکوژرێت و لە هەولێریش پێشانگای تورکی دەکرێتەوە.

 

ژمارەیەک پێشمەرگەی دێرین لە شاری سلێمانی، لەبارەی هێرشەکانی سوپای تورک و چەتەکانی بۆسەر عەفرین و بایکۆتکردنی شتومەکی تورکی، بۆ ڕۆژنیوز دەدوێن.

 

کامیل نوری، وتی: ئەو هێرشانەی دەکرێتە سەر عەفرین مەترسی هەیە بۆ سەر باشوری کوردستانیش، چونکە لە لای دوژمن جیاوازی پارچەکانی تر نییە و هەر کیانێکی کوردیی دروستببێت ئەوان دژایەتیی دەکەن، پێمشوایە ئەم هێرشانە تەنیا بە عەفرینەوە ناوەستن.

 

کامیل نوری

 

کامیل ئاماژەی بەوەشدا: بۆ پاراستنی ئەو تێکۆشانە دەبێت یەکڕیزییەکی سەرتاسەری نیشتمانیی دروستبکرێت، دەبێت خۆمان داماڵین و لە سیاسەتی دەوڵەتان بگەین، بە بایکۆتکردنی شمەکەکان دەتوانین پشتگیرییەکی بەهێز بین، چونکە تورکیا هەم خوێنمان دەڕێژێت و هەم کاڵاکانی لە سەرمان ساغ دەکاتەوە.

 

هەروەها ئیسماعیل قادر وتی: بە هوشیارکردنەوەی خەڵک دەکرێت بەربەستەکانی بەردەم کورد لاببرێت، ئەگەر حزبە کوردییەکان زەڕەیەک ویژدانیان هەبوایە، نەیاندەهێشت شمەکی تورکی بێتە ناو هەرێم و شەرمەزارییە لە عەفرین خەڵک دەکوژرێت و لە هەولێریش پێشانگا بۆ کەلوپەلی تورکی دەکرێتەوە.

 

ئیسماعیل قادر

 

عومەر کرێکار-یش وتی: ئەوەی لە عەفرین ڕوودەدات وەک ئەوە وایە لە سلێمانی ڕووبدات، تورکیا دەیەوێت ئابووری خۆی بەهێزبکات و بازاڕێکی بەلاشیشی لە باشوری کوردستان بۆ دروستبووە.

 

عومەر کرێکار

 

عومەر ئەوەشی وت: دەبێت هەموو هاونیشتمانان تێبگەن کە بە کڕینی یەک کاڵای تورکی وەک ئەوە وایە کە یەک فیشەک بنێی بە مرۆڤێکی کوردەوە، بۆیە دەبێت وەک هەڵوێستێک بایکۆتی هەموو جۆرە دراما و کاڵایەکی تورکی بکەین.

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin