Smiley face
Smiley face
Smiley face

ئەوروپا، لەچەند چالاکییەکدا کوژرانی هاوڵاتیان لە عەفرین شەرمەزارکرا

2018-03-14 09:46:22



ڕۆژنیوز - ناوەندی هەواڵەکان

 

هاوڵاتیانی کوردی دانیشتووی ئەوروپا شەقامەکان بەرنادەن و بەردەوامن لە چالاکییەکانیاندا، ئەو هاوڵاتیانە بە ئەنجامدانی چەند چالاکییەک کوژرانی هاوڵاتیانی مەدەنی لە عەفرینیان شەرمەزارکرد.

 

ئێوارەی دوێنێ لە چەندین شاری ئەوروپا هاوڵاتیانی کورد و دۆستانیان ڕژانە سەر شەقامەکان و هێڕشی سەر عەفرین و بێدەنگیی کۆمەڵگای نێودەوڵەتییان شەرمەزارکرد.

 

هاوڵاتیان لە شاری هیلدەسهەیمی ئەڵمانیا لە وێستگەی شەمەندەفەری ئەو شارەدا گردبوونەوە، ژمارەیەک لە ڕێکخراوە چەپەکانی ئەڵمانیا پشتگیریی چالاکییەکەیان کرد،  خۆپیشاندەران ناڕەزاییان پیشاندا لە دژی کۆمەڵکوژییەک کە لە عەفرین لەلایەن سوپای تورکەوە ئەنجام دەدرێت.

 

لە شاری کاسەلی ئەڵمانیاش بەمەبەستی شەرمەزارکردنی داگیرکاریی حکومەتی تورک لە عەفرین، کوردان لە بەردەوم شارەوانیی ئەو شارەدا گردبوونەوە.

 

لە هیلسینکیی پایتەختی فینلاندیش لە بەردەم باڵیۆزخانەی ئەمریکا لە فینلاند چالاکییەک ئەنجامدرا و بێدەنگیی ئەمریکا لە ئاستی کۆمەڵکوژکردنی هاوڵاتیانی مەدەنی لە عەفرینیان شەرمەزار کرد.

 

لە شاری گرازی نەمساش بە وتنەوەی دروشمی تورکیای تیرۆریست، بژی بەرخۆدانی عەفرین و بژی یەپەگە هێرشی سەر عەفرین شەرمەزارکرا.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin