Smiley face
Smiley face
Smiley face

سلێمانیی، ئامادەکارییەکانی نەورۆز ڕاگەیەندرا و سڵاو لە بەرخۆدانی عەفرین کرا

2018-03-14 12:08:10



ڕۆژنیوز - سلێمانی

 

ئامادەکارییەکانی سلێمانی بۆ نەورۆز ڕاگەیەندرا، کە لە مامە یارە ئاگری نەورۆز دەکرێتەوە، هاوکات سڵاو بەرخۆدانی شەڕڤانان و گەلی عەفرین نیردرا.

 

پێش نیوەڕۆی ئەمڕۆ، لیژنەی ئەمنی سلێمانی لە قائیمقامییەتی سلێمانی سەبارەت بە ئامادەکارییەکانی جەژنی نەورۆز کۆبوونەوە، دواتر لە کۆنگرەیەکی ڕۆژنامەنووسیدا ئامادەکاریی پیرۆزباییەکانی نەورۆزیان راگەیاند، کە لە ٢٠ی مانگەوە بۆماوەی هەفتەیەک بەردەوام دەبێت.

 

ئاوات محەمەد، قائیمقامی سلێمانی، لە کۆنگرەکەدا وتی: بەڕێوبەرایەتی ڕۆشنبیری کۆمەڵێک چالاکی ھونەریان ھەیە لە مامە یارە و کاتژمێر ٢ تاوەکو کاتژمێر ٤ ئاگری نەورۆزیش لەوێ دەکرێتەوە، و دواتر چالاکییەکان دەگوازرێتەوە بۆ کارگەی جگەرەی سلێمانی، چالاکیەکانی نەورۆز ھەفتەیەک بەردەوام دەبێت.

 

 

ئاوات، وتیشی: لە شاڕێی سالمیش ھاوڵاتیان قەرەباڵغی دروست دەکەن، بۆیە ئەو شەقامەش ڕێکدەخرێت، ھەروەھا بازگەکانیش پێشوازی لە گەشتیاران دەکرێت لەلایەن بەڕێوبەرایەتی گەشتوگوزاری سلێمانی و ڕێنماییەکانیان پێدەدرێت.

 

سەبارەت بە چالاکیەکان بۆ یادی کیمیابارانی ھەڵەبجە ئاوات محەمەد، وتی: زیاتر لە ھەڵەبجە دەبێت، بەڵام لە سلێمانی تەنھا وەستان دەببت کە کاتژمێر ١١:٢٠ وەستان ھەیە.

 

قائیمقامی سلیمانی وتیشی: عەفرین لە دڵی تاک بە تاکی میلـلەتی کوردایە، لێرەوە سڵاو بۆ هەموو ئەو شەڕڤانە قارەمانانە دەنێرین کە بەرگریەکی بێوینە لە کانتۆنی عەفرین دەکەن، وە چیشمان پێبکرێت لە خەبات و بەرخۆدانی ئەو قارەمانانە ئێمە ئەنجامی دەدەین، وە هەرچیەکمان پێ بکرێت بە ئەرکی سەرشانی خۆمانی دەزانین.

 

هەروەها بابەکر دڕەیی، بەڕێوبەری ڕۆشنبیری سلێمانی لە کۆنگرەکەدا وتی: هیوادارین قارەمانانی عەفرین سەرکەوتووبن، وە هیچ چالاکیەکی تایبەت بە عەفرینمان نییە، بەڵام لە هەرچوار پارچەی کوردستان هانی خەڵكمان داوە کە بەشداری لە نەورۆزدا بکەن، کە ئەم چالاکیانە پشتگیرییە بۆ عەفرین کە لە جەنگان لەگەڵ ناحەزانی دیموکراسی، دەمانەوێت بڵێین ئێمە میلـلەتێکی ئاشتی خوازین و نابەزین، نەورۆز تەحادایە بۆ دوژمنانی کورد، هیوادارین برا و خوشکەکانمان لە عەفرین سەرکەوتووبن.

 

 

بابەکر دڕەیی وتیشی: لە نەورۆزدا لەلایەن ١٦ گروپەوە ٦٠ چالاکی ھونەریمان ھەیە تایبەتە بە ئازادی و خەبات و مافەکانی گەلی کورد.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin