Smiley face
Smiley face
Smiley face

سوپای ئازاد و میت و ئاکەپە بە نهێنی کۆبوونەتەوە

2018-03-14 12:44:32



ڕۆژنیوز - ناوەندی هەواڵەکان

 

پێنج ڕۆژ پێش ئێستا لە شارۆچکەی قرخانی سەربە هاتایی تورکیا، فەیلەقی دووەمی سوپای ئازادی سوریا و میت و ئاکەپە بە نهێنی کۆبوونەوە و بریاریان لە بارەی عەفرینەوە داوە.

 

شەڕی حکومەتی تورک لە دژی گەلی کورد لە عەفرین لە ٥٤-ەمین ڕۆژیدا بەردەوامە، شەڕڤانان و گەل تا ئێشتا بەرخۆدانیان کردووە و عەفرینیان چۆڵ نەکردووە، میت و ئاکەپە و چەتەکانیش کۆبوونەوەی نهێنی ئەنجام دەدەن بۆ شکاندنی بەرخۆدانی گەل.

 

ئاژانسی هەواڵی مەزۆپۆتامیا، لەسەر زاری سەرچاوەیەکی باوەڕپێکراوەوە ڕایگەیاندووە، کە پێنج ڕۆژ پێش ئێستا فەرماندەی فەیلەقی دووەمی سوپای ئازاد، ئەبو فورقان، بەرپرسێکی میت و سێ لە بەڕێوەبەرانی ئاکەپە، لە کیلیس و هاتای کۆبوونەتەوە و لە بارەی عەفرینەوە بڕیاریان داوە.

 

ئەو سەرچاوەیە ڕایگەیاندووە: لە کۆبوونەوەکەدا بەو دەرئەنجامە گەیشتوون، کە بۆ ئەوەی ترس و دڵەڕاوکێ لە ناو خەڵک دا دروستبکەن دەبێت بۆردوومان و تۆپبارابەکانیان بۆ سەر هاوڵاتاینی مەدەنی چڕتربکەنەوە، هەروەها باسیان لە بەدەستهێنانی ڕەزامەندی و پشتگیریی ڕایگشتی  بۆ ئەو هێڕشەش کردووە.

 

هەروەها لە سەر ئەوەش  بڕیاریان داوە، کە ژمارەیەک لە ئاوارە سورییەکان لە هاتای و کلیسەوە ببەنە ناوچەکانی عەفرین و لەوێ جێگریانکەن، تا بەمشێوەیە ڕایگشتی ڕەوایەتی بداتە هێرشەکەیان، لە هەنگاوی دووەمدا بەتەمان ئاوارەکانی کامپەکانی ئافاد لە تورکیا بگوازنەوە بۆ ناوچە داگیرکراوەکانی عەفرین.

 

باس لەوەشکراوە، کە بۆ گۆڕینی خۆبەڕێوبەرایەتی دیموکراتی لە ناوچە داگیرکراوەکان، ئەندامانی ئەنەکەسە و ئەندامانی حزبە کوردییەکان بە کار بێنن.

 

ئەو سەرچاوەیە ئەوەشی ئاشکراکردووە، کە لە کۆبوونەوەکەدا باس لە ناڕەزایی دەوڵەتانی فەرەنسا و ئەمریکا کراوە و کێشە دبلۆماسییەکانیان لە ئەگەری بەردەوامبوونیان لە هێرشەکدا نرخاندووە.

 

هەروەها لە کۆبوونەوەکەدا ئەوەش خراوەتە بەر باس، کە ئێڕان تا ئێستا لە دژی هێڕشەکە دەوەستایەوە، بەڵام ڕوسیا ئێڕانی بێذەنگ کرد، پێویستە ئەسەد ڕەزامەند بکرێت بەوەی هێزەکانی لە باشوری عەفرین بکشێنێتەوە و لە جیاتی ئەوان هێزەکانی حزبوڵا لەوێ جێگربکرێن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin