Smiley face
Smiley face
Smiley face

جمووجوڵەکانی سوپای تورک لە سنوورەکانی باشوری کوردستان زیادیکردووە

2018-03-14 13:33:58



ڕۆژنیوز - زاهیر ئیبراهیم

 

ڕاگەیەندرا، کە جموجووڵەکانی سوپای تورک لە گوندەکانی بەرمیز و گومبەتی سنوورەکانی باشوری کوردستان زیادیان کردووە و ئاستەنگی بۆ هاوڵاتیانی ئەو دەڤەرە دروست کردووە.

 

سەرچاوە خۆجێییەکان لە سنوورەکانی باشوری کوردستانەوە بە ڕۆژنیوزیان ڕاگەیاندووە، کە جموجوڵەکانی سوپای تورک لەو سنوورانە زیادیان کردووە و ژیانی هاوڵاتیانیان توشی کێشەکردووە.

 

لەو بارەیەوە ئیحسان چەلەبی، بەڕێوبەری شارەدێی سیدەکانی سەربە پارێزگای هەولێر بە ڕۆژنیوزی ڕاگەیاند، کە لە ڕۆژی ١٢ی ئازارەوە هێزەکانی سوپای تورک لە گوندەکانی بەرمیز و خواکورک و گەلی ڕەش زیادیان کردووە، ژمارەیەکی زۆر سەرباز و چەکی قورس و ئۆتۆمبێلی سەربازی و هەلیکۆپتەر لەو ناوچانەدا جێگرکراون، دەستیان کردووە بە دروستکردنی بارەگای سەربازیی نوێ.

 

چەلەبی وتیشی: زیادبوونی جموجووڵەی هێزە سەربازییەکانی سوپای تورک کاریگەری خراپی داناوەتە سەر ژیانی هاوڵاتیان لە ناوچەکەدا، هەروەها دۆخی ناوچەکەیان ئاڵۆزکردووە، هاوڵاتیان بەهۆی هەبوونی ئەو سەربازانەوە ناتوانن بچن سەردانی کێڵگەکانیان بدەن وئاژەڵەکانیان بلەوەڕێنن، ئەو هێزانە هەم ئێمە و هەم بازرگانەکان و هەم هەموو هاوڵاتیانیان هۆشیارکرووەتەوە، کە بە ناوچەکەدا نەگەڕێن، چونکە بۆردوومان دەکرێت، ئەو دۆخە ئاستەنگیی جدیی لە بەردەم ژیانی هاوڵاتیاندا دروستکردووە.

 

جێگای ئاماژەیە، کە ناوەندی ڕاگەیاندنی هێزەکانی پاراستنی گەل- هەپەگە، چەند ڕۆژێک پێش ئێستا ڕاگەیەندراوێکی بڵاوکردەوە و ڕایگەیاند، کە لە ڕۆژی ١١ی ئازارەوە جموجووڵەکانی سوپای تورک لە گوندەکانی گومبەت، گرێ سرۆ، گەلی ڕەش زیادیان کردووە و فڕۆکە جەنگییەکانیش بە سەر ئاسمانی شەمزیناندا دەسووڕێنەوە و بۆردوومانیان کردووە، هەروەها ڕاگەیەندرا، کە هێزە داگیرکەرەکان بە هەلیکۆپتەر لە گردەکان گومبەت و سرۆ جێگردەکرێن.

 

س.ح

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin