Smiley face
Smiley face
Smiley face

پڕۆژەی بە کلتوورکردنی فیلم بە کۆڕێک کۆتاییھات

2018-03-14 17:37:27



ڕۆژنیوز - سلێمانی

 

پڕۆسەی بە کلتوورکردنی فیلم بە کۆڕێک کۆتاییهات، کە ماوەی چوار ڕۆژە لە ھۆڵی سینەمای مۆزەخانەی ئەمنەسوورەکە بەردەوامبوو تێیدا چوار فیلمی دەرھێنەری کورد، یەڵماز گۆنای نمایشکرا.

 

لە چوارچێوەی پڕۆژەی بە کلتوورکردنی سینەما، کاتژمێر ٠٤:٠٠ ی ئێوارەی ئەمڕۆ، کۆڕێک بۆ نووسەر، ئاراس فەتاح، لە ھۆڵی کافتریای ئەمنەسوورەکە بەڕێوەچوو، کە تێیدا خوێندنەوە بۆ فیلمەکانی یەڵماز گۆنای کرا.

 

ئاراس فەتاح، لە کۆڕەکەدا ئاماژەی بەوەکرد، کە یەڵماز گۆنای، تەنھا دەرھێنەر نەبوو، بەڵکو ئەکتەر و نووسەری سیناریۆش بوو.

 

 

باسی لەژیانی نێو زیندانی یەڵماز گۆنای کردوو کاریگەریی زیندانیکردی لەسەر فیلمەکانی خستەڕوو.

 

ناوبراو ئاماژەی بەوەشکرد، کە یەڵماز  گۆنای سەرجەمی چیرۆکی فیلمەکانی ئەو چیرۆکانەبوو، کە خۆی تێیدا ژیابوو، کاری لەسەر مرۆڤە پەراوێزخراوەکان دەکرد و کاری لەسەر کێشەی چینایەتیی و چەوساندنەوە مرۆڤ و کێشە جێندەرییەکان دەکرد.

 

لە ماوەی چوار ڕۆژی پڕۆژەی بە کلتوورکردنی سینەما، چوار فیلمی یەڵماز گۆنای، نمایش کراون کە بریتیبوون لە فیلمەکانی (یۆل، دوڤار، سورو، ئوموت)، بڕیار وایە پڕۆژەی بە کلتوورکردنی سینەما، بەردەوام بێت و لە داھاتوودا فیلمی دیکە نمایش بکرێت.

 

 

ب.ل

ئەوەی زیاتر خوێندراوە


-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin