Smiley face
Smiley face
Smiley face

هاوڵاتییەک بە دەستڕێژی گوللـە گیانی لەدەستدا

2018-03-17 18:59:24



ڕۆژنیوز - عەلی قادر

 

هاوڵاتییەکی تەمەن ٤٥ ساڵ لە شارەدێی حاجیاوا دەستڕێژی گوللـەی لێکرا و گیانی لەدەستدا.

 

ئێوارەی ئەمڕۆ، لە شارەدێی حاجیاوای سەر بە شارۆچکەی ڕانیەی ناوەندی ئیدارەی ڕاپەڕین، دەستدرێژی گوللـە لە کەسێکراو بەو هۆیەوە گیانی لەدەستدا.

 

شۆڕش ئیسماعیل، وتەبێژی پۆلیسی ڕاپەڕین، وێڕای پشتڕاستکردنەوەی هەواڵەکە بۆ ڕۆژنیوز، وتیشی: هاوڵاتییەکە تەمەنی ٤٥ ساڵ بووە و لە ڕەگەزی نێر بووە، لەلایەن کەسێکەوە بەچەکی کڵاشینکۆف هێرشی کراوەتەسەر، تەقەکەرەکەش بۆ شوێنێکی نادیار هەڵهاتووە.

 

 

ئەوەشی وت: لەگەڵ گەیشتنی هێزەکانمان لە بەڵگەو تاوان و بنکەی پۆلیسی حاجیاوا بۆ شوێنی ڕووداوەکە، دەستگیرا بەسەر چەند قەوانێکی تەقیو لە شوێنی ڕووداوەکە.

 

وتەبێژی پۆلیسی ڕاپەڕێن، ئەوەشی خستەڕوو: لەئێستادا ڕێکاری یاسایی گیراوەتەبەر و تەرمی کوژراوەکەش گواستراوەتەوە بۆ پزیشکی دادوەریی ڕانیە، پەڕاوی لیکۆڵینە وە بۆ ڕووداوەکەش کراوەتەوە و لیکۆڵینەوە لە ڕووداوەکە بەردەوامە.

 

بەپێی ئامارێکی ڕۆژنیوز-یش لە ئەمساڵدا لە باشوری کوردستان ٨٥ کەس کوژراون و خۆیان کوشتووە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin