Smiley face
Smiley face
Smiley face

پۆلیسی ڕاپەرین: لە سەر ڕووداوەکەی گوندی کلاوسوران ٥ کەس دەستگیرکراون

2018-03-18 11:42:44



ڕۆژنیوز - محەمەد حەسەن

 

لە دوای شەڕی کۆمەڵایەتی و کوشتنی ٨ کەس و بریندارکردنی ٩ کەس، پێنج کەس لەسەر ڕووداوەکەی دوێنێ شەوی گوندی کلاوسوران دەستگیرکراون و دۆخەکەش کۆنتڕۆڵ کراوە.

 

ئێوارەی دوێنێ لە گوندی کلاوسوران سەر بە ئیدارەی ڕاپەرین بەهۆی کێشەی کۆمەڵایەتییەوە، شەڕ لەنێوان دوو بنەماڵە ڕوویدا، بەو هۆیەوە ٨  کەس کوژران و ۹ کەسیش بریندار بوون کە یەکێکیان منداڵێکی تەمەن ۳ ساڵانە.

 

شۆڕش ئیسماعیل، وتەبێژی بەڕێوەبەرایەتی پۆلیسی ڕاپەرین لە کۆنگرەیەکی ڕۆژنامەنووسیدا ڕایگەیاند: دوێنێ لە شارەدێی حاجیاوای سەر بە ئیدارەی ڕاپەرین دەستڕێژی گولـلە دەکرێتە سەر کەسێک و دواتر کێشەکە گەورە دبێت و خزمی کوژراوەکە لە گوندی کلاوسوران هەڵدەکوتنە سەر ماڵی ئەو کەسانەی هێرەشەکەیان ئەنجامداوە، لە ئەنجامدا شەڕ لە نێوان بنەماڵەی هەردوولا دروست دەبێت، بەوهۆیەشەوە ٨ کەس کوژران و ٩ کەسیتریش برینداربوون.

 

وتیشی: تاوەکو ئێستا ٥ کەس لەسەر ڕووداوەکە دەستگیرکراون و لێکۆلینەوە سەبارەت بە ڕووداوەکە بەردەوامە و دۆخەکەش لەلایەن هێزە ئەمنیەکانەوە کۆنترۆڵ کراوە.

 

شۆرشی ڕاشیگەیاند: بەداخەوە بە هۆی بوونی چەک لە زۆربەی ماڵەکان لە هەرێمی کوردستان زۆرجار کارەساتی بەو شێوەیە ڕوودەدات.

 

وتەبێژی پۆلیسی ڕاپەڕین، وتیشی: لە ئەجامی ڕووبەرووبوونەوەی هێزەکانی ئێمە لەگەڵ تەقەکەران دوو پۆلیس لە هێزەکانی ئێمە بریندار بوون و دوو لە ئۆتۆمبێلەکانی ئێمەش بەر فیشەک دراون و زەرەری زۆریان پێگەیشتووە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin