Smiley face
Smiley face
Smiley face

ڕاوێژی نەتەوەیی ژنان بۆ عەفرین کۆبووەوە

2018-03-18 14:46:17



ڕۆژنیوز - ناوەندی هەواڵەکان

 

ڕاوێژی نەتەوەیی ژنان بۆ عەفرین کۆبووەوە، لە کۆبووەنوەکەدا باس لەو کارانە کرا کە ژنان دەتوانن لەو ئەوروپا بۆ عەفرین ئەنجامی بدەن.

 

ئەمڕۆ ڕاوێژی نەتەوەیی ژنانی کورد لە ناوەندی کەنەکە لە برۆکسلی پایتەختی بەلجیک کۆبووەوە، کۆبوونەوەکە بە خولەکێک بێدەنگی بۆ ڕێزگرتن لە شەهیدان دەستیپکرد.

 

لەو کۆبووەنەوەیەدا باس لەوە کرا کە بۆ ئەوەی بێدەنگی کۆمەڵگای جیهانی لە بارەی عەفرینەوە بشکێت، ژنان دەتوانن چ کارگەلێک ئەنجام بدەن.

 

نیلوفەر کۆچ، هاوسەرۆکی کەنەکە لە کۆبوونەوەکەدا قسەیکرد و وتی: زیاترین سەختی و زۆرداریی شەڕ لە سەر ژنان دەکرێت، ژنانی کورد لە شەڕدا ئەزموونیان هەیە، لە مێژوودا ژنانی کورد لە بەرامەر شەڕدا بێدەنگ نەبوو، ڕاپەڕین لە جەوهەری ژنانی کورد دایە.

 

کۆچ هەروەها باسی لە دڕندەییەکانی سوپای تورک کرد و وتی: حکومەتی تورک زیندوو لە عەفرین ناگەڕێتەوە، ڕاپەڕینی نەتەوەیی دەستیپێکردووە و ئێمەش وەک ژنانی کورد دەتوانین بێدەنگی جیهان لە بارەی کۆمەڵکوژیی عەفریندا بشکێنین، دەبێت وڵاتانی جیهان لەوە ئاگاداربکەینەوە، کە ئەگەر عەفرین داگیربکرێت، چەتەکانی داعش بە ئاسانی دەتوانن لەوێوە خۆیان بگەیەننە ئەوروپا.

 

هەروەها لە کۆبوونەوەکەدا باس لەوە کرا، کە شەڕێکی نەژادی لە دژی گەلی کورد ئەنجام دەدرێت، ژنانی کورد لە بەرامبەر کۆمەڵکوژی گەلەکەیاندا دەبێت چالاک بن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin